اهو جه يا ولاد

Friday, September 7, 2007

عصافير امن الدوله فى الجامـــــــــعــــــــــــــة




السلام عليكم
هنكمل بقى البوست اللى بداناه
عصافير امن الدوله
بس المره دى فى الجامعه
بمناسبة الدراسه كل سنه وحضراتكم بخير
اولا اعترض بعض الاخوه على كلمة عصفور واقترح البعض كلمة غراب
نشوف الاخ محمد الدسوقى رشدى قال سموهم عصافير ليه؟؟؟
عميل امن الدوله سمى بالعصفور لثلاثة اسباب:
الاول:لانه يبقى محبوسا ومنفذ لاوامر ضباط امن الدوله
الثانى: لان العصافير تطير فوقرأسك دون ان تشعر بها
اما الثالث:طبقا للقول الشهيرالذى يهدد به الاباء ابنائهم(خلى بالك العصفوره بتقولى على كل حاجه)
المهم بوست النهارده
غربان امن الدوله فى الجامعه
فى الجامعه يحذرون الطلبه من الكلام فى السياسه لان بعضا من زملائهم مرشدين للامن
وفى المدن الجامعيه يحذرون الطالب الذى ينتمى للطيار الاسلامى من ان يخف من صلاة الفجر جماعه ومن قيام الليل ومن جلسات الذكر وقرأة القرأن, والا يستضيف ابناء جماعته فى غرفته بصفه دائمه حتى يتقى لسان الطلبه العصافير المنتشرين فى المدينه,
اذن عصافير الامن موجودون..
موجودون وانت تريد ان تمارس مهامك السياسيه التنظيميه" اذا كنت تنتمى لتنظيم سياسى" براحتك , فكيف تفعل ذلك دون ان تلفت انتباه عصفور من العصافير او تقع تحت منقاره.؟!
طبقا للعديد من الدراسات العالميه ومن بينها دراسة المركز الاعلامى الفلسطينى فان حوالى 90 % من المعلومات التى يحصل عليها رجال الامن تتم عبر مرشدى الامن, وطبقا للعديد من شهادات الطلبه فى الجامعات المصريه فإن اغلب الطلبه الناشطين سياسيا لا يتم الايقاع بهم الا من خلال مرشدى الامن او ما يطلق عليهم العصافير
فى المدينه الجامعيه يجب ان تتوخى الحذر من الاشخاص الذين يقبلون عليك بدون سابق معرفه ويجتذبون اطراف الحديث السياسى معك, وخد بالك كويس اوى من حفلات وجلسات السمر التى تنتشر فى المدن الجامعيه,
احذر الطلبه دائمى الشكوى من النظام وايضا من الذى يلح دائما ان يحدثك عن انتمائك السياسى
العصافير الاكثر انتشارا فى المدينه هم عمال النظافه ومراقبوا الادوار وخاصة الليلى منهم لذلك لا تترك فى غرفتك اوراق خاصه بتنظيم جماعتك او اى كتب ممنوعه او مثيره سياسيا
اما بالنسبه للطلبه المنتمين للتيار الاسلامى
فلابد من الحذر لان العصافير يعششون فى نفس المساجد بنفس الملابس ونفس اللحى بل ويزايدون عليك تشدد ولذلك لا تتعرف اليهم الا عن طريق جماعتك او المسئول عنك , فلا تتحدث مع احد عن تنظيمك الا بعد اخذ راى المسئول الخاص بك وبعد التحرى عن الشخص الموجود امامك وعن مكان انتمائه والتاكد من الشخص الذى قام بتجنيده فليس كل من ردد شعاراتك وعرف توقيت لقائاتك يمكنك الوثوق به.وعصافير الجامعه تحديدا كثير منهم متطوع طمعا فى الحصول على مساعدات الامن فى تسهيل الكثير من الامور مثل الحصول على الكتب والمنح والرحلات وفرصة السكن فى المدينه.
وبعضهم يتخذها على سبيل المنظره والقوه,اما بقية العصافير فقد يكون بعضهم تم ضبطه فى وضع مخل بالجامعه فيتم التهديد بفضحه هو وصديقته اذا لم يتعاونوا مع الامن والبعض الاخر يدفعه الفقر وقلة حيلته لاتباع الامن وتعليماته والبعض الاخر يهدف فى خدمته لامن الدوله وتدعيم وضعه فى الاسر واتحاد الطلبه

كتبه محمد الدسوقى رشدى
جريدة الدستور

11 comments:

امام الجيل said...

السلام عليكم
هو مجمد الدسوقى ده اخ ولا ايه
لا ما شاء الله يا اما اخ يا اما عصفور سابق :)
لا اصله مفصلهم جدا بس فى كليتنا كنا عارفينهم كويس بس كانوا كتير اوى اكتر من الطلبة احيانا وكان عندنا اخوة خبراء فى اصطياد العصافير وكانوا بيدوهم مواعيد مضروبة كمان
سبحانن الله مش عارف اللى يبيع ضميره واحترامه لنفسه من اجل اى شئ ده يبقى انسان الحمد لله الذى عافانا
فتنة والله ربنا يعافينا منها
بيملوا دماغهم بكره الاخوان وبث افكار مسمومة فى عقولهم عن الجماعة لغاية ما الواد يبقى ماشى مخدر وينفذ اللى عايزينه بس سبحان الله فيهم لمحة من الهبل بتوع الامن دول ساعات كانوا بيجيبوا مخبرين كبار فى السن يعنى فى التلاتينات كده مخبر سرى بقى
بس ويمكرون ويمكر الله
الاخوة عندنا والله كانوا بيسدوا معاهم تمام هو احنا مجننينهم من شوية

صانعة الحرية said...

وعليكم السلام ورحمة الله وبركاته
والله انا فكرت فى الحكايه دى وانا بكتب البوست بس مش عارفه هو نظامه ايه
لان فعلا كلامه دقيق
ياا بختكم انا الحمد لله معرفهمش بس لما بتسأل بقول انى احبهم جدا واتمنى ان انتمى اليهم
يبقى انا كده مكذبتش
يلا ربنا يهديهم ياااارب او يهدهم هما واللى مشغلنهم حسبنا الله ونعم الوكيل
وجزاكم الله خيرا على المرور وادعوكم للمشاركه معا من اجل حرية المعتقلين
على هذا الرابط
http://sona3al7iah.blogspot.com/2007/09/blog-post_08.html

صانعة الحرية said...

توضيح
لما بتسأل عن الاخوان مش عن العصافير
هههههههه
بقول انى احبهم
واتمنى الانتماء اليهم
الى الاخوان مش الى العصافير

عصفور المدينة said...

برضه متشكرين

بخصوص التول بار

Show Compose Mode for all your blogs?


set it to YES

في صفحة
Basic
تحت
settings

وأثناء تحرير البوست تأكدي انك تدوسي
compose

صانعة الحرية said...

السلام عليكم
جزااااااكم الله الفردوس الاعلى
عاد الشريط الى مكانه سالما غانما
ربنا يعزك ويكرمك استاذى
والشكر لله استاذى

عصفور اسكندرية ( المواطن المطحون ) said...

بوست حلو جدا
فكرنيي بايام الاتحاد الحر والعصافير اللي كانت بتترمي علينا من كل حته
وكنت بصتادهم انا وكام واحد معايا

بس كانت ايام
ايم الاتحاد الحر
ايام التيار الاسلامي في الكليات

علي فكره انا شوفت مقاله لدكتوره اسمها مش عارف ايه كانت كاتبه نفس المقال وليس النص في جريده الاهرام
وقد ارسلت اليها بريد

فنزل بعدها بيومان اعتذار لكل طلاب عائله عصفور في جامعه الاسكندريه البالغ عددهم ان ذاك 28 طالب
في نفس الجريده

اما بالنسبه للحمله التي ارسلتي الي بها
فانا لااستطيع المشاركه الان
لاسباب ساشرحها في مدونتي

بيدو said...

صانعة الحرية

بجد طريقة كتابتك للموضوع جميلة بس رأيى الشخصى هم اقل من ان يستحوذا على هذا القدر من الاهتمام منا وجزاكي الله خيرا

تحياتي

صانعة الحرية said...

السلام عليكم
اخى المواطن المطحون
جزاك الله خيرا على المرور
وربنا يوفق حضرتك يارب

صانعة الحرية said...

السلام عليكم
الاخ بيدو
جزاك الله خيرا على مرورك الطيب
وهو خلاص دا كان اخر بوست عنهم
بس انا حبيت اكتبهم لان اغلب اللى بيتسجلوا او اللى بيقعوا بيقعوا بسبب العصافير
وجزاك الله خيرا

رفقة عمر said...

كل سنه وانت طيب

ربنا يتقبل منك صالح الاعمال اللهم امين
رمضان كريم

صانعة الحرية said...

حبيبتى رفقة عمر
الله اكرم حبيبتى
وكل عام وانتى بخير