اهو جه يا ولاد

Tuesday, October 23, 2007

اين الحرية المزعومه؟؟؟؟؟؟؟؟؟؟؟؟؟؟؟



السلام عليكم ورحمة الله تعالى وبركاته



الحريه



كلنا كثيرا ما نسمع عن تلك الكلمه



حرية الراى والتعبير



ايضا كثيييييييييير جدا ما نسمع عنها



انا مش هلف وادور



انا هقولكم اللى حصل على طول



انا بفضل الله بجهز الان مجموعه من الحوارت



عن قضايا معاصره زى مثلا التضليل الاعلامى ووصف الملتزم او الملتحى بالارهابى وعرض نموزج يحتذى به واجراء حوار معه



مشكلات الطلبه فى الجامعه وارائهم



حوار مع احد المعتقلين الذين تم اعتقاله بعد زفافه ب15 يوم



كده يعنى



النهارده كنت ناويه اعمل الحوار بتاع مشكلات طلبة الجامعه



نزلت الصبح على الكليه



وبقول يارب مكنش فى دماغى اسئله معينه بس قلت ربنا هييسر





دخل الدكتور وقعد يشرح


كل شويه يجى فى بالى سؤال فتحت ورقه وكل لما يجى فى بالى سؤال اكتبه


حتى نهاية المحاضره
وفى اثناء المحاضره


وقفت امامى نقطه



اخدتها حجه وذهبت اليه بعد المحاضره



انا:السلام عليكم



د.وعليكم السلام



انا:لو سمحت يا دكتور عندى 3 استفسارات



د.3مره واحده ماشى ياستى خير



انا:اولا ........السؤال اللى مكنتش فهماه



د.........................ء



انا:ثانيا:حضرتك قلت ان فى مجله هتصدر عن قسم اللغه الانجليزيه هل من الممكن ان يكون فيها صفحه اسلاميه



د:لا طبعا مينفعش علشان فى مسيحين



انا:طيب ممكن يكون فيها صفحه سياسيه؟



د.سياسيه ازاى؟؟ممكن تكتبى عن نشأه مجلس الشعب مثلا كده يعنى



انا:يعنى ايه مينفعش اتكلم عن قضايا معاصره عن ارتفاع الاسعار مثلا



د:لا مينفعش عايزين حاجات متعملش خلاف تكون معقوله



انا:ثالثا انا من مراسلين بلا حدود موقع الاستاذ عمرو خالد وكنت عايزه اعمل حوار مع حضرتك



د:معايا انا هههه ليه؟..مراسلين بلا حدود بتاع قناة الجزيره



انا :لا موقع الاستاذ عمرو خالد



د:عارفه فى دلوقتى حاجه اسمها بلوجز بيعتقلوا اصحابها



انا:اه ما انا عامله واحده دينيه اسمها respect the prophet mohammed



د:طيب ..حوار



انا:طيب هعرض الاسئله على حضرتك



د:مش مساله اسئله



انا:جرب بس يا دكتور


انا:ما راى حضرتك فى قرار المجلس الاعلى للجامعات بالا يزيد ثمن الكتاب الجامعى



عن 20 جنيه ومع ذلك لا حياة لمن تنادى




د:لالالا الكلام دا مش مظبوط انا متابع القرارات دى




انا:خير اصل الخبر ده لسه واصل لى امبارح




انا: ايه راى حضرتك فى المناهج الى بتدرس للطلبه وخاصه الروايات والمسرحيات التى




تاخذ دائما طابع غربى وكلها مليئه بالعلاقات غير الشرعيه ؟وكيف يكون تاثيرها على




الطلبه


د:انتى هتودينى فى داهيه انا مشفتكيش النهارده




انا:هل من الممكن ان يدخل الاسلاميكانجليش الى الحامعات




د:مينفعش الجامعات مش كلها مسلمين كمان فى مسيحين




لو اتكلمت فى الدين هروح فى داهيه ولو اتكلمت فى السياسه هروح فى داهيه




انا:طيب ايه راى حضرتك فى الكتب اللى عدد صفحاتها 400 ولا يقرر علينا فيها الا


القليل




د: والله انا مقدرش اتكلم انا كده اسيء لزملائى




انا بعمل الكتاب وببقى ناوى اخلصه




انا:طيب دكتور فلان شوف حضرتك كتابه ولا يقرر علينا فيه الا وريقات




د:مقدرش اسىء لزميل لى




انا:طيب ايه مقترحات حضرتك لتحسين التعليم فى الجامعات المصريه؟؟




واذا بالعميد داخل


اللى انا كنت بتكلم عليه


الدكتور قاللى سلام


قلت سلام


الشاهد من الموضوع


دا لادكتور ورئيس قسم اللغه الانجليزيه بكليه...جامعة.....ء


اين حرية التعبير؟؟؟




دكتور ورئيس قسم وخايف يتكلم


يبقى مين اللى هيتكلم


العامل البسيط هيقدر يتكلم ويقول لا


الموظف الغلبان ولا المدرس اللى مرتبه ميكفيش 5 ايام فى الشهر معلم الاجيال


خرجت من الكليه متضايقه
سالتنى صديقتى مالك قلت لها اللى حصل
قالت طيب ما تعملى الحوار معانا احنا الطلبه اللى مخنوقين
قلت والله فكره
انا:ايه رايك فى المناهج اللى بتدرسوها؟؟(هى هى المناهج اللى انا بدرسها)ء
هى :حاجات ما يعلم بها الا الله ليس لها اى علاقه بواقعنا او بمجتماعتنا الشرقيه بل هى غربيه صرف مليئه بالعلاقات الغير شرعيه والابناء غير الشرعين
ايه رايك فى اسعار الكتب الجامعيه وهل ى فى متناول الجميع ام لا؟
هى:لا طبعا دا العميد منزل كتابين ب 27 جنيه وبيسحب مننا اول ورقه فى الكتاب وبيقول عليها
:5 درجات وكمان فى دكاتره بيطلبوا ابحاث تعمليها وتقصى صور من الكتاب وتلزقيها فى البحث علشان تضمن انك اشتريتى الكتاب ومش بيسمحوا لنا اننا نستخدم كتب قديمه
انا:ايه الحاجات اللى بتشتكوا منها؟؟؟
هى: كتير جدا
1-بنشتكى من المناهج اللى ملهاش اى علاقه بحايتنا العمليه بل انه كلها مقتبسه من الحياه الغربيه
2-بنشتكى كمان من الكوسه والمحسوبيه وخير دليل عندك اتحاد الطلبه اللى مش بنشوفهم خالص وبقوا بيتعينوا مش بينتخبوا
3-التقيد ووقف الحرك السياسى فى الجامعه وخير دليل الدكتور....فلان
انا:تتمنى ايه؟؟
هى:يااااه اتمنى نبقى احرار نفسى اقول كلمة حق من غير ما اخاف
نفسى اتكلم فى الدين واتكلم فى السياسه
نفسى اتكلم بحريه
يارب حررنا من النفوس الخبيثه
الله المستعان

ملحوظه


الدكتور ده شخصيه محترمه جدا جدا


وبيشرح كويس جدا جدا


ولكنه `نزل من نظرى جدا جدا
والطالبه معروف انها فى حالها وملهاش دعوه باى حاجه ولكن ليقضى الله امرا كان مفعولا
من الكبت نطقت وصرخت











Monday, October 15, 2007

الا رسول الله .....معا لنصرة الحبيب صلى الله عليه وسلم




السلام عليكم ورحمة الله تعالى وبركاته
كيف الحال
المهم علشان ملفش وادور واعطلكم
من فتره كنت بعمل بحث عن صور على جوجل

وفجاه ظهرت لى صوره جعلتنى اشعر بالعجز واتخنقت واخذت ابكى

صوره مسيئه للحبيب صلى الله عليه وسلم
فتحت الموقع اللى فيه الصوره فوجدته ملىء بامثال هذه الصور

فكرت ماذا افعل ؟؟؟؟

قررت ان ابعث الى الاستاذ عمرو خالد وبالفعل بعثت اليه برساله وكان رده لا اتوقعه ولكنه هو الرد النطقى
كان رده انى اتجاهلهم ولا ارد عليهم وان الله قادر على ان يدافع عن الحبيب صلى الله عليه وسلم وكفيل بهم
المهم فكرت فى حاجه اعملها للدفاع عنه صلى الله عليه وسلم
وكنت لسه عامله مدونة صناع الحرية

قلت خلاص المدونات الوقتى عليها اقبال كبير

اعمل مدونه وادافع فيها عن الحبيب صلى الله عليه وسلم

وبالفعل عملتها وبدءت ادخل مدونات اجنبيه وادعوهم لزيارة مدونتى

ولكن حسيت انى لوحدى قلت طيب ما اطور الفكره

قلت نعمل رابطه او اتحاد محبى الاسلام او رابطه الدفاع عن الاسلام
حاجه كده وتكون عباره عن عدد من المدونات بلغات مختلفه
يعنى مثلا مدونه بالانجليزيه واخرى بالفرنسيه وغيرها بالالمانيه كدا يعنى
ونكتب كل اسبوع بوست جديد يكون نفس البوست ولكن بلغات مختلفه
ويبقى كل عضو فى الرابطه عليه انه يدخل ويدعو اصحاب المدونات اللى بيتكلموا لغته
يعنى انا مثلا ادخل المدونات الانجليزيه فقط
وصاحبة او صاحب المدونه الفرنسيه يدخل المدونات الفرنسيه فقط
ويكون لنا لقاء اسبوعى ايضا على النت ونشوف التطورات ونعرف ايه البوست القادم
ولو فى سؤال سئل لاحدنا ومعرفش يرد عليه نتحاور فيه وهكذا
اعتقد انها مش هتاخد مجهود كبير اوى غير فى البدايه وبعد كده هنكون عرفنا المدونات التانيه وهى عرفتنا

عايزه ارائكم ومن فيكم هيقدر يساعدنى فى نصرة الحبيب صلى الله عليه وسلم
حتى علشان يوم القيامه نلاقى حاجه نقلها له صلى الله عليه وسلم ونبقى عملنا حاجه لديننا

دا رابط المدونه بتاعتى لو حد عايز يشوفها
تحديث:
بالامس رأيت رؤيه شجعتنى كثيرا
وشعرت انها رساله من الله
رأيت وكاننا فى ليلة القدر والسماء جميله ومضيئه والقمر معجز
ثم جائت احد الاخوات واخذت تدعوا الله بالانجليزيه وانا ابكى ولا يبكى احد غير لانى الوحيده التى افهم واعى ما تقول
بس خلاص
المهم انا لما صحيت من النوم حسيتها رساله من ربنا سبحانه وتعالى
انى اعرف الناس الاجانب الاسلام
الاول حسيت بيأس قلت انا لا اجيد الانجليزيه اوى لدرجه انى اتحدث بطلاقه عن الاسلام
وهل لم يجد الله غيرى ليوكل الى هذه المهمه الصعبه
ثم ركزت فى الرؤيه شويه وافتكرت انى طول رمضان كنت بدعوا
"اللهم استعملنى فى نصرة دينك واجعلنى من خدام دعوتك"
قلت فى نفسى لعل الله استجاب وكانت ليلة القدر فى الرؤيه لذلك
المهم بحثت عن مواقع تعريف بالاسلام
وبدات اعرف الاسلام فى المجموعات الياهو البريديه
المهم علشان مطولش عليكم وجدت هذه الروابط لمواقع اسلاميه
ولكنى حزنت كثيرا عندما قرات راى الاجانب فى الاسلام
والله شعرت انى ساحاسب عليهم جميعا
قلما ان تجد احد يشكر فى الاسلام
وجدت اجنبى واحد يدعى مايكل يشكر فى المسلمين ويقول انه كان يدرس مع مجموعه من المسلمين
اما الباقى فيقولون انه دين الارهاب وقالت احدهم انه قطعه من الجحيم
شعرت بخزى علشان كده
ارجوكم نبدا فى الرابطه بسرعه
نبدا الاول بتعريف الاسلام ومبادئه واسسه وبعد كده التعريف بالحبيب صلى الله عليه وسلم
هذا سؤال طرحته فى احد المجموعات لاعرف رايهم فى الاسم والمسلمين وانطباعهم ولماذا اخذوا هذا الانطباع
واليكم الرابط

Friday, October 12, 2007

مضى رمضان وجاء العيد....كل عيد ونحن لربنا طائعين


السلام عليكم ورحمة الله تعالى وبركاته

مضى رمضان وانتهى وجاء العيد

هل تذكرون منذ سويعات عندما كنت اهنئكم بحلول رمضان

هاهو رمضان جاء وذهب ويا ترى من فاز ومن خاب وخسر

اللهم اجعلنا من الفائزين

غدا يوم الجائزه

يا تٌرى ما هى هذه الجائزه

اتمنى انها تكون استجابة الادعيه التى دعينا بها فى

رمضان اتمنى ان تكون قبول اعمالنا

المهم علشان منكدش عليكم

يلا افرحوا وزقططوا وهنوا بعضكم

بكره العيد

كل عام وانتم اللى الله اقرب وعلى طاعته اقوى وادوم

كان نفسى اعملكم مفاجأه فى العيد بس ............ء
خير انتظروا البوست القادم ان شاء الله سيكون مفاجأه

يلا خير المهم يلا زجططوا وافرحوا ودى هديه منى لكم


دا فى اناشيد كتيييير عن العيد

على قد حزنى ان رمضان خلص

على قد ما انا سعيده انى رجعت لكم تانى

والله كنت بدعيلكم كتير

وكل سنه وحضراتكم بخير
ويارب قريب قوى نلاقى نتيجه دعائنا فى رمضان
ونلاقى الاستاذ خيرت الشاطر والاستاذ حسن مالك
والدكتور عصام العريان والاستاذ ياسر عبده وكل المعتقلين السياسين
ان شاء الله نلاقهم معانا قريب
ومره تانيه كل عام وحضرتك بخير
وربنا يبلغنا رمضان المقبل ان شاء الله