اهو جه يا ولاد

Tuesday, October 23, 2007

اين الحرية المزعومه؟؟؟؟؟؟؟؟؟؟؟؟؟؟؟



السلام عليكم ورحمة الله تعالى وبركاته



الحريه



كلنا كثيرا ما نسمع عن تلك الكلمه



حرية الراى والتعبير



ايضا كثيييييييييير جدا ما نسمع عنها



انا مش هلف وادور



انا هقولكم اللى حصل على طول



انا بفضل الله بجهز الان مجموعه من الحوارت



عن قضايا معاصره زى مثلا التضليل الاعلامى ووصف الملتزم او الملتحى بالارهابى وعرض نموزج يحتذى به واجراء حوار معه



مشكلات الطلبه فى الجامعه وارائهم



حوار مع احد المعتقلين الذين تم اعتقاله بعد زفافه ب15 يوم



كده يعنى



النهارده كنت ناويه اعمل الحوار بتاع مشكلات طلبة الجامعه



نزلت الصبح على الكليه



وبقول يارب مكنش فى دماغى اسئله معينه بس قلت ربنا هييسر





دخل الدكتور وقعد يشرح


كل شويه يجى فى بالى سؤال فتحت ورقه وكل لما يجى فى بالى سؤال اكتبه


حتى نهاية المحاضره
وفى اثناء المحاضره


وقفت امامى نقطه



اخدتها حجه وذهبت اليه بعد المحاضره



انا:السلام عليكم



د.وعليكم السلام



انا:لو سمحت يا دكتور عندى 3 استفسارات



د.3مره واحده ماشى ياستى خير



انا:اولا ........السؤال اللى مكنتش فهماه



د.........................ء



انا:ثانيا:حضرتك قلت ان فى مجله هتصدر عن قسم اللغه الانجليزيه هل من الممكن ان يكون فيها صفحه اسلاميه



د:لا طبعا مينفعش علشان فى مسيحين



انا:طيب ممكن يكون فيها صفحه سياسيه؟



د.سياسيه ازاى؟؟ممكن تكتبى عن نشأه مجلس الشعب مثلا كده يعنى



انا:يعنى ايه مينفعش اتكلم عن قضايا معاصره عن ارتفاع الاسعار مثلا



د:لا مينفعش عايزين حاجات متعملش خلاف تكون معقوله



انا:ثالثا انا من مراسلين بلا حدود موقع الاستاذ عمرو خالد وكنت عايزه اعمل حوار مع حضرتك



د:معايا انا هههه ليه؟..مراسلين بلا حدود بتاع قناة الجزيره



انا :لا موقع الاستاذ عمرو خالد



د:عارفه فى دلوقتى حاجه اسمها بلوجز بيعتقلوا اصحابها



انا:اه ما انا عامله واحده دينيه اسمها respect the prophet mohammed



د:طيب ..حوار



انا:طيب هعرض الاسئله على حضرتك



د:مش مساله اسئله



انا:جرب بس يا دكتور


انا:ما راى حضرتك فى قرار المجلس الاعلى للجامعات بالا يزيد ثمن الكتاب الجامعى



عن 20 جنيه ومع ذلك لا حياة لمن تنادى




د:لالالا الكلام دا مش مظبوط انا متابع القرارات دى




انا:خير اصل الخبر ده لسه واصل لى امبارح




انا: ايه راى حضرتك فى المناهج الى بتدرس للطلبه وخاصه الروايات والمسرحيات التى




تاخذ دائما طابع غربى وكلها مليئه بالعلاقات غير الشرعيه ؟وكيف يكون تاثيرها على




الطلبه


د:انتى هتودينى فى داهيه انا مشفتكيش النهارده




انا:هل من الممكن ان يدخل الاسلاميكانجليش الى الحامعات




د:مينفعش الجامعات مش كلها مسلمين كمان فى مسيحين




لو اتكلمت فى الدين هروح فى داهيه ولو اتكلمت فى السياسه هروح فى داهيه




انا:طيب ايه راى حضرتك فى الكتب اللى عدد صفحاتها 400 ولا يقرر علينا فيها الا


القليل




د: والله انا مقدرش اتكلم انا كده اسيء لزملائى




انا بعمل الكتاب وببقى ناوى اخلصه




انا:طيب دكتور فلان شوف حضرتك كتابه ولا يقرر علينا فيه الا وريقات




د:مقدرش اسىء لزميل لى




انا:طيب ايه مقترحات حضرتك لتحسين التعليم فى الجامعات المصريه؟؟




واذا بالعميد داخل


اللى انا كنت بتكلم عليه


الدكتور قاللى سلام


قلت سلام


الشاهد من الموضوع


دا لادكتور ورئيس قسم اللغه الانجليزيه بكليه...جامعة.....ء


اين حرية التعبير؟؟؟




دكتور ورئيس قسم وخايف يتكلم


يبقى مين اللى هيتكلم


العامل البسيط هيقدر يتكلم ويقول لا


الموظف الغلبان ولا المدرس اللى مرتبه ميكفيش 5 ايام فى الشهر معلم الاجيال


خرجت من الكليه متضايقه
سالتنى صديقتى مالك قلت لها اللى حصل
قالت طيب ما تعملى الحوار معانا احنا الطلبه اللى مخنوقين
قلت والله فكره
انا:ايه رايك فى المناهج اللى بتدرسوها؟؟(هى هى المناهج اللى انا بدرسها)ء
هى :حاجات ما يعلم بها الا الله ليس لها اى علاقه بواقعنا او بمجتماعتنا الشرقيه بل هى غربيه صرف مليئه بالعلاقات الغير شرعيه والابناء غير الشرعين
ايه رايك فى اسعار الكتب الجامعيه وهل ى فى متناول الجميع ام لا؟
هى:لا طبعا دا العميد منزل كتابين ب 27 جنيه وبيسحب مننا اول ورقه فى الكتاب وبيقول عليها
:5 درجات وكمان فى دكاتره بيطلبوا ابحاث تعمليها وتقصى صور من الكتاب وتلزقيها فى البحث علشان تضمن انك اشتريتى الكتاب ومش بيسمحوا لنا اننا نستخدم كتب قديمه
انا:ايه الحاجات اللى بتشتكوا منها؟؟؟
هى: كتير جدا
1-بنشتكى من المناهج اللى ملهاش اى علاقه بحايتنا العمليه بل انه كلها مقتبسه من الحياه الغربيه
2-بنشتكى كمان من الكوسه والمحسوبيه وخير دليل عندك اتحاد الطلبه اللى مش بنشوفهم خالص وبقوا بيتعينوا مش بينتخبوا
3-التقيد ووقف الحرك السياسى فى الجامعه وخير دليل الدكتور....فلان
انا:تتمنى ايه؟؟
هى:يااااه اتمنى نبقى احرار نفسى اقول كلمة حق من غير ما اخاف
نفسى اتكلم فى الدين واتكلم فى السياسه
نفسى اتكلم بحريه
يارب حررنا من النفوس الخبيثه
الله المستعان

ملحوظه


الدكتور ده شخصيه محترمه جدا جدا


وبيشرح كويس جدا جدا


ولكنه `نزل من نظرى جدا جدا
والطالبه معروف انها فى حالها وملهاش دعوه باى حاجه ولكن ليقضى الله امرا كان مفعولا
من الكبت نطقت وصرخت











31 comments:

islam said...

صانعة الحرية
السلام عليكم

لعمل مدونة جماعية وإضافة مدونين أخرين لمدونتك

بعد دخولك لمدونتك ستجدى ثلاث خيارات
posts, settings, layout
إدخلى من settings
ثم إختارى permissions
ثم إضغطى على add author
سينفتح لك مستطيل ضعى فيه ميلات المدونين الذين ترغبين فى ضمهم للمدونة والتى سيستخدمونها بعد ذلك فى الدخول إلى المدونة والتدوين

سيتم إرسال رسالة على الميل الخاص بكل منهم، متضمنة طريقة التفعيل وبعد ذلك يصبح بامكان كل منهم أن يساهم فى عملية التدوين ببساطة

وفقكم الله ووفقنا
وجزاكم الله خيرا على عملكم وجعله فى ميزان حسناتكم

السلام عليكم ورحمة الله وبركاته

عصفور المدينة said...

حقيقة ماقدرتش امسك نفسي من الضحك
مع إن الموضوع محزن

هو انتم عندكم حيطان للدكاترة وحيطان للطلبة ولا كله بيمشي جوه حيطة واحدة

مُسلِمَة said...

السلام عليكم ورحمة الله وبركاته

حقا .... تدوينة واقعية الى ابعد الحدود
سواء اتكلمنا عن الدكاترة التي تخاف من "الأمن"

او حتى على المناهج الغربية

او حتى الطلبة المطحونين
"اللى هوة احنا يعني"

الله المستعان اننا ان شاء الله نغير من احوالنا ويعيننا اننا بالفعل نصنع حياتنا وحياة أمتنا
استودعك الله

مدونه انا بحبك يا مصر said...

اولا
جزاكى الله خير على هذة الجراة مع الدكتور
ولكن لى تعليق
اولا الدكتور دة وامثله حسين انهم ترس فى منظومه كبيرة من يخرج عليها يستبدل فورا
ثانيا الصفحه الاسلاميه مرفوضه علشان المسحين طيب هودة عمل عكس الدمقرطيه اولا ظلم فئه كبيرة علضان فئه صغير
ثانيا احترم رغبه الاقليه ورفض الصفحه الاسلاميه علشان خاطر الاغلبيه
عجبيه
احمد الجيزاوى

صانعة الحرية said...

اخى اسلام
جزااااااااااااااااك الله خيرا
وياريت حضرتك تقولى لو كنت مستعد تشترك معانا فيها ولالا

صانعة الحرية said...

استاذى الفاضل
عصفور المدينه
انا فهمت قصد حضرتك ان الدكتور خاف ومشى جنب الحيطه والطالبه مخافتش
مش عارفه دا قصد حضرتك ولالا؟؟

صانعة الحرية said...

حبيبتى مسلمه
وانا اقول المدونه منوره ليه
نورتى
والله المستعان وربنا يوفقنا لما يحب ويرضى

صانعة الحرية said...

اخى احمد الجيزاوى
جراءه دا انا والله ما كنتش قادره اقف على رجلى كان جسمى بيرتعش من الخوف بس مكنتش ظاهره ده
بس اخى مش كل الدكاتره كده
انتظروا البوست القادم ان شاء الله هتنينى وراء الدكاتره لغايه لما الاقى واحد يعمل معايا الحوار

وفعلا حكاية الصفحه الاسلاميه دى ضايقتنى جدا
وكمان السياسيه اتناقشت معاه فيها بس هو اساسا كان بيكلمنى وهو خايف
ولو شفته لما العميد دخل
قالى سلام وعلى بره على طول
زى ما يكون بيقولى قفلى على الموضوع ومجاوبش على باقى الاسئله

الفاتحان اليعقوبي والجعفري said...

السلام عليكم
المشكلة يااستاذة
ان الخوف بقي منهج بيعايش للناس وتحول الي مبدا حياة يعني يقولك
عيش جبان تموت مستور

طب اللي بعد الموت مفركتوش فيه

علي راي الاستاذ عصفور المدينة حيطة للدكاترة وحيطة للطلبة

بس الحيطة بقت ايلة للسقوط من كتر اللي عليها واللي دخلوا جواها
اسال الله لي ولكم الثبات علي طريقنا والا يلقي في قلوبنا الا خشيته والخوف منه وحده
والسلام

دعوة الفردوس said...

السلام عليكم

انا طبعا مش هعيد الكلام اليل قلتهولك على الماسنجر بخصوص الموضوع ده
بس احنا عندنا دكتور في مره دخل المدرج واتكلم عن الاخوان بشكل تاريخي مش نقد ولا حاجه
وحتى استشهد بقول الامام الشهيد الرائع"أقيموا دولة الاسلام في قلوبكم تقم على أرضكم"
واتكلم عن تحضر الراجل ده وقد ايه هو كان سابق عصره
وطبعا سيادتك الامن كتب كل حرررف اتقال وكل طلبة الاخوان اللي حضروا
وبعد المحاضرة وقفنا مع الدكتور ده بره
ماانكرش انه بيعمل حساب للامن
على حد قوله
انا بكرههم جدا بس ببتسم في وشهم علشان اتقي شرهم لانهم عالم زباله
وقعد يقولنا نتعامل معاهم ازاي و لو معانا حاجه عايزين نوزعها نوزعها ازاي علشان نبقى خارج طائلة ايديهم
وادانا رقم موبايله علشان لو احتجناه في حاجه

الامثله دي موجوده برضه

وفي دكتور تاني ناقم جدا على الحكم وفكره اسلامي بحت
ومع ذلك لما عرضنا عليه حاجه معينه كده
اكتشفنا انه بيخاف جدااااا

عادي بالزبادي
استعيني بالله
بس نقي الدكاتره اللي بتكلميهم يعني اختاري الدكتور اللي لو حتى مش هيتعاون معاكي مش هيبلغ الامن عنك فيعملك مشاكل
سلام ياقمر

طال الليل said...

الجامعة تغيرت تركبتها وتضاءل دورها جدا ولعوامل عديدة تصاغر الفرق بين الأستاذ الجامعى والعامل البسيط وعليه أنا لست متعجبا من إجابة الطالبة فهذا هو المفروض بل العجب كل العجب من استاذ الجامعة الذى لا راى له إلا بعد أن يأذن ضابط فى سن أولاده ويرضى

الأمل فى الله أن لا تنتقل عدواه إلى عود الطالب الجامعى الغض الذى أرادوه مسخا يتوه الفرق بين الزميل وزميلته وتضيع معه ملامح الرجولة والأنوثة عند كليهما بفعل إعلام لا يرقب فى أمل الأمة إلا ولا ذمة

أطلت واخشى أن أكون قد أثقلت

عصفور اسكندرية ( المواطن المطحون ) said...

السلام عليكم
فعلا كله بيخاف حتي الدكتور بيخاف عشان عنده عيال والمرتب اخر الشهر مش بيكفي

لكن الجامعه اليومين دول رايحه في داهيه
الطلبه تايهين في ظلمات الجهل

تصدقي ان عندنا دكتور عامل الكتاب 600 صفحه والمقرر علينا 10 صفحات والباقي كله من المحاضرات
ولازم تجيب الكتاب ابو 35 جنيه عشان تنجح

حريه ايه اللي في الجامعه دي
دا انا ايام لما كنت في سنه تانيه رشحت نفسي للانتخابات راحوا شططبوني من النشاط نزلت احاد حر وكسيت زوروا نتيجتي و طلعوني بمواد وودوني امن الدوله

لا حياه لمن تنادي



........

اخر بوست عندي
المواطن المطحون: ملتقي المدونين الاول 2007

mo'men mohamed said...

هههههههههههههههههههههههههههههههه
انت زعلانة عشان كتابين بـ 27 جنيه
تعالى عندنا وانت تشوفى بقى اسعار الكتب عاملة ازاى
الكتاب عندنا بيتراوح تمنه من 50 الى 100 جنيه
تانى حاجة انا اكتر كلمة بتنرفزنى
بلاش العمل الغسلامى عشان احنا معانا مسيحيين
ما يولعوا بجاز
هو انا حمنع المسلمين يتعلموا دينهم تاريخهم عشان المسيحين موجودين ؟؟؟
السلام عليكم

mazlomen said...

يا أختي كتير من الدكترة حطوا ضميرهم في تلاجة عشان يعرفوا يعيشوا

وكويس أنك طلعتي بحاجة

صانعة الحرية said...

السلام عليكم
عند حضرتك حق والله استاذ اليعقوبى
اصبح الخوف منهج حياه الان
اسال الله ان يثبتنا
ويارب
ثبات على طريقك

صانعة الحرية said...

حبيبتى دعوة الفردوس
منوووره
ومتخافيش انا مش بروح لاى حد
بس ادعى لى اقدر اعمل الحوار مع الدكتور اللى انا عايزاه
وان شاء الله انتظرروا المزيد من الحوارات

صانعة الحرية said...

والله عند حضرتك حق استاذ طال الليل
مش عارفه
بس دا لانه ابتغى العزه بعيد عن دينه
عندنا العميد لازم ياخد اذن فى كل حاجه من الامن والكل عارف عنه كده

صانعة الحرية said...

حسبنا الله ونعم الوكيل
عادى يا اخ محمد حضرتك فى مصر اعتقالات وشطب اسماء
والكارثه اللى بتحصل فى الوقت الحالى انهم بيسوءوا سصورة شباب الاخوان فى الاعلام وربنا يستر

صانعة الحرية said...

اخ مؤمن
غلطه مطبعيه يافندم
اصلى كنت علمى علوم ههههه
اقصد 72 جنيه
المشكله انه مش بيدى فيهم حاجه اساسا اخى هما واخدين المسيحين حجه
مثلا المفروض ان احن اللى هنشترى المجله
واحنا اساسا معندناش غير حوالى 5 مسيحين
هيلغى صفحه علشان 5
وحسبنا الله ونعم الوكيل

صانعة الحرية said...

مظلومين
عند حضرتك حق يا فندم
انا كنت سالت دكتور كنت باخد عنده كورسات عن الدكتور ده
قالى يا بنتى ده عايز يبقى عمييييييد
مش هيقولك حاجه
هيخاف من الامن

عصفور المدينة said...

أستاذة إجابتك صح على فكرة
:)

صانعة الحرية said...

بجد
يعنى حضرتك ساكن هنا
ولا ايييييييييه؟؟؟؟؟؟؟

الجمعاوي الاصيل said...

السلام عليكم ورحمة الله وبركاته
رسالة الى صانعة الحرية
اذا كان رب البيت بالدف ضارب فما شيمت اهل البيت (((((الرقص)))))) صح ولا لا
اذاكان المسئولين عنا وعن تعليمنا معنى وطعم الحرية يخافون الى هذا الحد فماذا تريدون من الطلاب الا السلبية والخوف والجبن ولكن والله العظيم اصبح هناك امل وبصيص نور يخرج من هؤلاء الطلاب
فلابد للظلم ان ينتهي ولابد لليل ان ينقشع وياتي النهار ولكن بالاصرار والعزيمة نصل لما نريد والسلام ختام
صاحب مدونة ميخا

عصفور المدينة said...
This comment has been removed by the author.
محمود الدوح said...

ربنا يكون فى عونا

على فكرة مفيش حاجة اسمها حرية
فى حاجة اسمها قمع
فى حاجة اسمها ردع
فى حاجة اسمها
من حق المواطن ان يتكلم
ومن حق الحكومة ان ترد

طبعا كلنا عارفين الرد

امام الجيل said...

سبحان الله
ولينزعن اله المهابة من صدور اعدائكم
وليلقين فى صدوركم الوهن
قيل وما الوهن يا رسول الله
قال حب الدنيا وكراهية الموت

مدونه انا بحبك يا مصر said...

الاخت الكريمه اولا جزاك الله خيرا على الدعاء ولانى فعلا محتاج من يدعو لى خصوصا بثبات هذةالايام

ثانيا اعتذر فعلا على انشغالى عن الحمله التى تكلمنا عنها والتى تخص اشرف الخلق ولكن فعلا انشغلات فى بعض الامور و الاتزمات الدعويه وامنتى ادرة منى انه تكون مسئوليه كبيرة امام الله فبل الجماعه ولكن الحمد الله امل من الله ان نصعد العمل وان شاء الله انا معك فقط اخبرينى باخر تطور وانا معكم فى سير العمل ان شاء الله وسوف اتزم بما وعتك بهى من نشر الفكرة على الجروبات وقد تحدثت مع اخوة مدوين ورحبه فعلا ولكن نحتاج الى وضع خطه عمل فقط
عموما سوف افيكى باخر تطور
واكرر اعتذاى عن الانشغال
اخوكى فى الله
احمد الحيزاوى

sagittarus said...

بسم الله الرحمن الرحيم
موش عارف ليه حاسس انى قدام نماذج اسلاميه جميله جدا ومشرفه
بس
وااه من بس دى
ببنفخ فى ابره مخرومه وبنلف فى سواقى بايزه
طب ليه من الحكمه انى اغير طريقى طالما لقيته مسدود
مش اقعد اهاتى وخلاص
هتكلم عن نقطه نقطه
اولا الحوار الادبى
مش بيتكتب فيه أنا ..وهى ..و د
ده بيتعمل على اساس حوارى وفعلا كل جمله حواريه بلون
ياريت يبقى فى تنسيق فى الصفحه
ياريت يبقى فيه اهتام باسلوب ادبى شويه
مراسلين يعنى لغه وصحافه يعنى انتقاء الفاظ وتشويق
يعنى لو عايزه مستقبل حلوه
التغطيه الموضوعيه حلوه والخبره متوافره فاضل بس العامل البلاغى يزيد حبه كده ويبقى تمام قوى
نيجى بقه لفحوى الحوار نفسه
اولا الدكتور عمره ما هيبقى بالصوره دى اكيد هو كان بيعملها بصوره فكاهيه ليس الا
ومن رأيى فعلا ما ينفعشى نعمل صفحه اسلاميه بدون صفحه مسيحيه
لازم نحترم الاديان والعقول بتاعه كل واحد
يعنى نعرض الاثنين والمشاهد يفكر وياخد الدين باقتناع
فى السعدويه بيجبروا الحريم على ارتداء النقاب والحجاب من غير توعيه ليهم بفضلهم وبتكون النتيجه لما بيوا هنا مصر ولا حاجه بيقلعوا كل حاجه ويتحرروا من القيود اللى كانت عليهم
انما لو فهموا واقتنعوا هيلبوسها ف كل حته ويقتنعوا بفرضيتها
انا دخلت دار ثقافه مسيحيه ف القاهره بجد الناس دى عندهم علم الاخلاق والروحانيات عاليه جداوالقساوسه بينشئوا روح المراقبه
طيب نفتح الصفحتين والناس تكتب وصدقونى الاديان كلها بتصب فى الخير
اه صحيح هما انحرفوا كتير بس التدين واحد
يعنى الاخلاق فى كل الاديان والالتزام فى كل
التوحيد بقه والاتباع والعقائديه هما اللى فيهم اختلاف
الجزء بتاع السياسيه
رأى فيها بلاش بلاش
علشان فى ولى امر ودرء المفاسد مقدم على جلب المصالح
والفتنه وانشقاق الشعب الاسلامى ممكن ينتج عن الكلام ده
من ثورات ومظهرات واحتجاجات
واليله بتاعه الاخوان دوول
طب ياعمنا كونوا شعب عمر يول عليكم عمر
يقولك لأ انا اشيل الراس الكبيره وبعدين اجيب خليفه يحكم
عاجبك الخلافه العثمانيه اللى كان الخليفه فيما طرطور للانجليز وبينفذ رغباتهم
وبس بيدرسونا اتاتورك اللى قضى على الاسلام لعنه اله وبتاع
طيب هو كان فين الاسلام ده اساسا
لازم نبنى الهرم من تحت تانى وكل واحد يبدأ بنفسه
(فقاتل فى سبيل الله لا تكلف الا نفسك وحرض المؤمنين عسى الله أن يكف بأس الذين كفروا والله أشد بأسا وأشد تنكيلا)صدق الله العظيم
نصلح فى انفسنا وف الغلابه اللى زينا وبعدين نحاول ننشر وعى اخلاقى بعيد عن اى سياسات او اى اتحاد طلبه وبتاع
اللى عايز يخدم بيخدم من غير مجلس شعب ولا اتحاد ولا اى حاجه
صلح فى مكانك هتسأل عن كده
اما عن الكتب والدعم التعليم والمتعلمين كتروا يعملوا ايه يعنى يودوا فين
27 سعر رمزى جدا
اما الكتب اللى بتبقى ب 150 دى بيتبقى حرام فعلا
المناهج المحشيه دى للاستزاده ..لو عايز تذاكر كله ذاكر ياعم مش عايز شوف الملخصات ..احنا بناخد المراجع ليها يعنى
الطبيعه الغريبه ..انا لازم ادرس كل اجه
وعلى حد علم بيبقى فى مسرحيات لشكسبير ومسرحيات تانيه مثلا لمصطفى محمود او الجماعه بتوعنا وبيبقى فى شعر انجليزى ادجار الان بو وجوته وغيرهم وبيبقى فيه برده لعمرو بنربيعه وامرؤ القيس واحمد شوقى واحمد فؤاد نجم رخامه بقه مش ف المناخج بس شديد
وكمان اكيد يعنى بيبقى فيه ابن رشد ..ومتسمارت وكمان فيه تنوع بس كل واحد يعقله بيعمل
الفقه مقارن
وكان عندنا برده اختلاف مدارس فقهيه
التعدديه حلوه
بس يبقى فى توعيه بالطريق الصح
وفى حريه فكريه
مش حجر على الفكر
كل واحد من حقه يختار طريقه والتبعيات عليه هو
وعلى الباغى تدور الدوائر
اما عن الحوار اللى مع البنت المطحونه
فدى مش بايدها حاجه اساسا
مجرد تنفيس الكبت اللى جوانا كلنا
لكى تفعل ما تحب لابد ان تحب ما تفعل
حبوا الدراسه والغباء اللى بيديوهلنا
علشان بعد كده لما نمسك معيدين ودكاتره ايكد هنفكر باسلوبنا ومش هننغرس فى ترس النمطيه دى
بس كده
سعدت بعقليتك
ادام الله لك ارادتك
سلاموووو

صانعة الحرية said...

اخى الفاضل الجمعاوى الاصيل
انا اتخضيت من البدايه
رساله الى صانعه الحريه
بس كلام حضرتك صح والله
انا الدكتور صعب على لوى
كان عمال يتكلم ويضحك ويضيع فى الكلام
ومصدق العميد جه علشان يهرب
حسبنا الله ونعم الوكيل

صانعة الحرية said...

اخى محمود الدوح
جزاك الله خيرا على المرور
وياريت تكرر الزياره

صانعة الحرية said...

اخلى امام الجيل
عند حضرتك حق
حب الدنيا (والكرسى)وكراهية الموت