اهو جه يا ولاد

Monday, November 19, 2007

تربية الابناء2....... واطفال الشوارع


السلام عليكم

انا كتبت بوست عن يوم فى حياة مواطن مطحون

وفى اخر لحظه

قررت انى اكنسله واكمل تربية الابناء ومشكلات المجتمع

عن هذه المشكلات التى ظهرت الان على الساحه

اطفال الشوارع

انتشرت هذه الظاهره فى هذه الايام او ربما انها منتشره منذ فتره ولكن سلطت عليها الاضواء هذه الفتره بشكل كبير

يا ترى ما هو السبب الرئيسىوراء هذه الظاهره؟؟؟

وكيف يمكن التغلب عليها؟؟؟؟؟؟

وماذا لو انتشرت ولم نستطع التغلب عليها؟؟؟؟

معا نجيب عن هذه التساؤلات بعد سماع الاجابات من هؤلاء الاطفال

اما عن السبب الرئيسى فهو

الاسره نعم الاسرة التى تقسو الاسره التى تفرق بين الابناء الاسرة التى تفرق شملها وتزوج الاب وتزوجت الام وتركوا الابناء ليسيحوا فى الشارع

اجمع كل اطفال الشوارع الذين تم محاورتهم على ان السبب هو الاسره,سواء بالقسوه او التفرقه او ما الى ذلك


فهذه اسراء كما يدعونها طفله لا تتعدى الخمس سنوات جائت تدور حولى وكانها تطلب يد العون

ظننتها طفلا من لبسها وقصة شعرها

واذ بالمفاجأه انها بنت اسراء

قدمت لها ما استطعت

ثم قررت


ان اكون ايجابيه

ذهبت الى احدوسالت كيف يمكن ايداع اراء فى هذه الدار

وكانت مفاجاه اخرى انهم يعرفونها وانها ليس لقيطه كما قيل لى

ولها اهل وقد جاءت قبل ذلك الى الملجا ولكن جاءت عمتها واستلمتها

وبذلك عرفوا ان لها اهل

يعنى مينفعش تقعد فى الدار

قالى ان اطفال الشوارع لهم مكان غير الايتام

وكمان مينفعش ياخدها من الشارع

لازم جهه تخاطب جهه

وبهذا ضاع املى ان تسكن اسراء هذه الدار

وان تتعلم وتصبح فتاه مثل اى فتاه عاديه


اما عن امكانية التغلب على هذه الظاهره

فذلك يتطلب جهد مشترك من الاسره والجهات المختصه

اما الاسره فلا تقسوا على ابنئها وان تتقى الله فيهم وليعلم الاب والام انهم سيسئلون عن هؤلاء الابناء

اما عن الجهات المختصه فمن الضرورى انشاء دور لهؤلاء الاطفال ليتلقوا فيها الرعاية والعناية والتعليم وتتكفل بكم حتى زواجهم او تعمل جاهده على عودتهم الى اهلهم وزويهم

حيث انه فى حالة انتشار هذه الظاهره فابشروا بعصر من الفوضى والارهاب

نعم

الامر ليس بالهين

سيربوا هؤلاء الابناء على عدم الانتماء

سينشئون ولسان حالهم يقول ماذا قدمت لنا مصر؟؟؟؟

ذل وجوع وحرمان


من السهل بل من المؤكد انهم سيبيعون هذا الوطن عندما تتاح لهم الفرصه

وسيستغلهم اعداء هذا الوطن

سيزداد الارهاب

فهؤلاء نشأوا فى الشارع لا يعرفون حقوقه ولا واجباتهم

لا يعرفون دينهم ولا ربهم

فماذا تنتظروا منهم؟؟؟؟

لذا انادى باعلى صوتى

يا مسلمى العالم اتحدوا لانقذا هؤلاء الاطفال

16 comments:

ابن اسكندرية said...

فعلا هى ظاهرة وانتشرت بشكل مريب بدليل انى اخر بوست انا نشرته اعتقد انه ذا صلا بالموضوع الى حضرتك كتباه وبالفعل تكمن المشكله هنا فى الأسره أولا وثانيا فى المجتمع الذى نحياه وتتحمل الأسره العبء الأكبر ولكن لانغفل ما فعله طغات هذا العصر للوصول بالشعب المصرى الى هذه المعاناه الذى يحياها أبناء شعبه فهم يحبرون ضعاف الهمه وضعاف الأيمان الى ترك ابناءهم ليظهروا بهذة الصورة أو التخلى عنهم وطرقهم الى الشارع كمحضن لتربيتهم فتكون النتيجه مانراه كل يوم فى الشارع وفى وسائل المواصلات العامة أذا ماذا نفعل من وجهة نظرى البسيطة
أن نتجه الى العمل العامة سواء من خلال جمعيه أو جماعه كجماعة الأخوان المسلمين لمحاولة أحتضان هؤلاء المغلوب على أمرهم كمحاوله لكف الأذى عنهم ولكى نعذر أنفسنا الى الله

عصفور المدينة said...

جزاك الله خيرا
الحقيقة المشكلة تحتاج إلى جهود كبيرة لأن الحالات مختلفة والأسباب متنوعة
يهني هذه المشكلة هي حصاد مشاكل المجتمع من فقر وبطالة وطلاق وقسوة التربية بل والمشاكل الأخلاقية
الحلول يمكن ان تكون عن طريق الجمعيات الأهلية

وحيا الله ايجابيتك وبارك فيك

دكتور حر said...

صانعة الحريه
جزاك الله خيرا على البوست القيم
هي في الحقيقه مشكله متعددة المناحي
هناك جوانب أسريه وهناك أسباب حكوميه وإداره أقوى
وكما قال م محمد في التعليق السابق من فقر وبطاله وغيرها من المشاكل

يعني فعلا ممكن تلاقي اسر بتخرج أولادها في الشوارع حتى يستريحوا من عنائهم ويكسبوا قوتهم

لكن الأمر حقا يحتاج الى وقفه جاده مجتمعيه وحكوميه
ودمت بخير

صانعة الحرية said...

السلام عليكم
اخى الفاضل ابن الاسكندريه
والله عند حضرتك حق طغاه الشعب المصرى هما اللى وصلو نا لكده
وايضا ضعف الايمان
لو كل واحد عارف واجبه وعارف ان دينه يحثه على تربية ابنائه التربيه السيمه
مكنش رمى ولاده فى الشارع
وفكره الجماعه لا باس بها
بس حاسه ان الموضوع اكبر من كده والجماعه مش هتعمل كل حاجه

صانعة الحرية said...

ابى الفاضل
عصفور المدينه
جزانا واياكم
هى اكيد عن طريق الجمعيات بس فين الجمعيات دى
على فكره حضرتك فجرت فى دماغى اقتراح وان شاء الله هقترحه فى الجمعيه (صناع الحياه) فى الاجتماع القادم

الفاتح الجعفري said...

السلام عليكم استاذتنا فعلا الموضوع خطير ومهم والمفروض كله يشارك فيه والكارثه الكبري في هؤلاء الاطفال يعني مثلا عندنا وفي جوامع كتير تلاقي اطفال دخلوا يصلوا في المسجد تلاقي ناس تتطردهم وتضربهم بالجزمه طب متوقفهم في مكان في الخلف وتجيبلهم بنبون او اي حاجه تفرحهم والاطفال دول تخيلي شعورهم لما يشوفوا اطفال بتلعب وتتفسح وتتدلع من اهاليها وهم حتي الضحكه والكلمه الحلوه بيشحتوها ملازم يكرهو البلد والمجتمع والدنيا كلها والله اناشايف انهما يتعملهم دور رعايه متخصصه تعمل من خلال مؤسسات كبري والفلوس واهل الخير كتير بدل الفلوس اللي بتتصرف علي تنظيم بطوله الامم والبطوله العربيه طب تخيلي عمرو زكي ب22مليون جنيه واكوتي راح الاهلي لعب نص ساعه في موسم ب11 مليون طب دول بس كانوا انقذوا كام طفل من المستقبل المجهول المظلم كان في بيت شعر سمعته من الشيخ كشك بيقول
يابلادنا ياعجيبه :::فيكي حاجه محيراني
نزرع القمح غي سنين :::يطلع القرع في ثواني
والله الفلوس كتير والخير كتير والحراميه كتير والفاسدين كتير واناشايف ان لسه كتير علي ما الشعب يفوق
وربنا يبارك في حضرتك ويجزيكي خير واسف للاطاله

امام الجيل said...

يعنى
سبحان الله لازم نحس بمسئولية اتجاه
الاطفال دول
والدولة اكيد عليها عبء كبير
لو تعاملوا معاهم انهم بشر
بس المشكلة ان تعاملاتهم مع الناس
على انهم راس موجودة
فى البلد
مجرد نسمة من صمن النسمات
وجميل ان حضرتك تابعتى الموضوع بنفسك
وسألتى عايزين فعلا ندخل لمرحلة التنفيذ
مش عرض المواضيع بس
جزيتى خيرا

مصراوي أوي said...

تغطية جميلة جدا

وجزاكي الله خيرا علي تلك الايجابية


ويارب اللي بايده حاجة يعملها

صانعة الحرية said...

اخى الفاضل
دكتور حر
جزانا واياكم يا فندم
وانا اتفق مع حضراتكم ان هناك اسباب كثيره ومتنوعه
وفعلا الموضوع محتاج واقفه جامده بجد
ولكن
ابتسم فانت فى مصر
لاحياة لمن تنادى

صانعة الحرية said...

وعليكم السلام
استاذى الفاضل الفاتح الجعفرى
والله حكاية المسجد دى بتنرفز
مره ولد صغير كان نازل يصلى فى المسجد جنبى هنا
ووقف فى الصف الاول
كل لما حد يجى يرجعه وره
اخر لما زهق ضرب الشيخ بالشلوت
وفعلا ليه مش نطبطب عليهم ونعطيهم اى حاجه تفرحهم
ولو كلمه حلوه مش لازم شىء مادى ممكن شىء معنوى
وجزاك الله خير اخى الفاضل

صانعة الحرية said...

اخى الفاضل امام الجيل
برضه عند حضرتك حق
الدوله لم تعد تحترم اداميه اى حد
مش الاطفال بس
والاعتقالات والتعذيب خير دليل على ذلك
وجزاكم الله خيرا

صانعة الحرية said...

جزانا واياكم اخى الفاضل مصراوى اوى اوى
ويارب فعلا اللى فى ايده حاجه يعملها

عصفور اسكندرية ( المواطن المطحون ) said...

السلام عليكم
حنقطع علي بعض ولا ايه
يوميات المواطن المطحون باذن الله حتلاقيها عندي في مدونتي مدونه المواطن المطحون بعد الافتتاح الرسمي لها
بس تبقي انشري يومات المواطن عندك بعد حل المشكلات اعانك الله

بالنسبه لاطفال الشوارع بقت مشكله كبيره
لما تمشي في الشوارع تلاقي اعلان كبير مكتوب فيه اتصل برقم كذا عشان تنقذ طفل
بس المشكله ان اطفال الشوارع ماهم الا ادوات في دائره كبيره من الاجرام الاسري
لا تقبلهم دور الايتام لان اهلهم بيجوا ياخدوهم
ولا تقبلهم دور الاحداث لانهم غير متهمين
لكن يهيمون علي وجه الارض بعد تسريحهم من منازلهم كمصدر من مصادر الزرق
بارك الله لكم

صانعة الحرية said...

هههههههههه
والله كنت هكتب مع الاعتذار للاخ عصفور
بس ملحوقه
وعند حضرتك حق والله يا اخ محمد
وربنا يستر
بجد لو الظاهره دى انتشرت اكتر من كده هتبقى كارثه

ابوزياد الفاتح said...

حسبنا الله ونعم الوكيل
اين سيدى عمر ابن الخطاب يرى ما فعله حكام العصر الحديث
الذين ضيعونا معهم
جزاك اله كل خير على الموضوع

صانعة الحرية said...

السلام عليكم
والله عندك حق
اين سيدنا عمر ليرى
اللهم ابعث فينا عمرا