اهو جه يا ولاد

Saturday, November 10, 2007

تربية الابناء...ومشكلات المجتمع


السلام عليكم النهارده بعد يوم من العناء والعمل والتعب قررت انى افتح المفسيديون لعلى اجد شىء مفيد المهم فتحت على الاستاذ وائل الابراشى كان بيناقش مسأله المصرين الى بيهاجروا الى اسرائيل واللى بيحصلوا على الجنسيه الاسرائيليه المهم انه كان بيكلم ناس منهم على التليفون رد احدهم استفزنى جدا جدا لدرجه خلتنى قفلت الجهاز وقمت

بعدها بشويه بفتح تانى على برنامج 90 دقيقه لاقيت واحده بتقول اهم حاجه التربيه والتنشئه اا مش عارفه هى بتتكلم عن ايه بس المهم انها جت على الوجيع قعدت افكر ايه سبب كللل المشاكل اللى بتحصل لاقيته انشاه التربيه انا اللى بربى ولادى على الانتماء للبلد انا اللى بربيهم على الايجابيه وانا اللى بربيهم على حب الاصلاح انا اللى بربيهم على الخوف والسلبيه انا اللى بربيهم على الاسلام والالتزام وانا اللى بربيهم على الانحراف ويا ابنى عيييش حياتك بالطول وبالعرض
لاقيت ان لو كلنا ربينا ولادنا صح مكانش ابدا هيكون فى كم الجرائم وكم العقوق وضرب الامهات والاباء لو انا عارفته واجبه تجاهى كام وعطيته حقه كابن لن يعوقنى بجد وقتها حسيت ان تربيه الابناء دى مسئوليه غير عاديه بايدى اطلع صلاح الدين وعمر بن الخطاب تانى وبايدى اطلع ابى ابن خلف وكمان ابن سلول بجد حل كتييير من المشاكل فى ايدينا لو ربينا ولادنا صح لو ربيناهم على الدين وعلى الاسلام على الايجابيه مش على السلبيه نصيحه منى اخوانى واخواتى لا تستهتروا بتربيه الابناء اقرأوا عن تربية الابناء فى كتا قراته عجبنى اوى اسمه فن تربية الابناء فى الاسلام
للاستاذ محمد سعيد مرسى

ربوا ولادكم عالتقوى وطلعوا للاقصى صلاح

22 comments:

عصفور المدينة said...

جزاك الله خيرا

المشكلة إن ممكن ما تلاقيش حد بيربي أولاده على الفساد لكن ممكن تلاقيه مش بيربيهم من أساسه ويكون دوره العلف والتغذية حتى يخرج أجساما بلا روح ويترك أمر التربية لاي شيء آخر

وربما يكون المشكلة أنه هو يحتاج إلى تربية

وبعدين يا بنتي لما تكوني زهقانة اتفرجي على البرامج الوثائقية واكفي خيرك شرك
:)

ibn nasser - ابن ناصر said...

ههه مش الاباء يتربو الاول
شوف الوالد بيسيب بنتة تنزل وتيجي الساعه كام ولابسة ايه
تحياتي
موضوع رائع وبناء

صانعة الحرية said...

السلام عليكم
استاذىالفاضل وابى بعد ابى عصفور المدينه
جزاك الله خيرا
استاذى انا اقصد انه بيربيهم على حاجات بتجيب الفساد
السلبيه مش بتجيب الفساد
كل اللى مصر فيه ده مش من السلبيه
ضعف العالم الاسلامى
مش من السلبيه وعدم المبالاه


استاذى
كلمة يا ابنى مالكش دعوه
واحنا مالنا دى كاااااااارثه بكل المقايس
ليه مخليش ابنى ايجابى؟؟؟
ليه مخلهوش يتعلم معنى الايجابيه من صغره



هههههههه وحاااضر هبقى اسمع برامج وثائقيه

صانعة الحرية said...

السلام عليكم
والله عند حضرتك حق استاذى الفاضل
لما الاباء يبقوا يتربوا
بحزن جدا لما الاقى بنت لابسه ومش لابسه وباباها ماشى معاها وفرحان بيها
وحسبنا الله ونعم الوكيل
الناس بقى عندها انتكاس فطره استاذى الفاضل
اسأل الله العظيم ان يعنا جميعا على تربية ابنائنا التربيه الصالحه التى يرضى بها الله عنا
وان يؤدبنا بقرانه

محمد مارو said...

اه و الله فعلا التربيه مهمه جدا و من كتر اهمتيهت معدش حد بيحس بقيمتها
للااااااااااااااااااسف
و زمان قالوا لنا وزارة التربيه و التعليم اسمها التربيه قبل التعليم بس للاسف الان لافى تربيه و لا فى تعليم
تحياتى

امام الجيل said...

السلام عليكم
التربية لو نعلم قدرها حقا
سبحان الله
المشكلة ان الناس بقت ترمى ولادها فى الشارع
ومبقاش فى وقت يربوا اولادهم
سعيا وراء الرزق
ميعرفوش ان اللى هيبنى ولادهم مش فلوس بس المهم الاخلاق والتربية والقيم
وففيه ناس بتربى بس تربية مختلفة
اكل وشرب ولبس وفاكرين انهم كده ربوا
احسن تربية كمان
ربنا يهدى

طال الليل said...

والتربية تحتاج إلى منهج وفكر وهدف وإيمان وصبر و و و
طيب نبدأ من اين
البيت ولا المدرسة ولا الجامع
ومن أصله اى هذه المؤسسات مؤهل للقيام بدوره الإصلاحى

حضرتك جئت على الوجع

الجمعاوي الاصيل said...

من الثابت علمياً ان الانسان يولد صفحة بيضاء، خالية من أي اتجاه أو تشكل للذات، وإنما يحمل الاستعداد لتلقي العلوم والمعارف وتكوين الشخصية والتشكل وفق خط سلوكي معين قال تعالى: (والله أخرجكم من بطون أمهاتكم لاتعلمون شيئاً وجعل لكم السمع والابصار والافئدة لعلكم تشكرون)لذلك فإن التربية هي اساس بناء الشخصية اما ان تكون سوية اذاكانت التربية سوية واما ان تكون غير سوية في حالة عدم التربية او التربية على اساس خاطئ
موضوع جميل وشيق وجزاكم الله خيرا عليه
صاحب مدونة ميخا

shady said...

عندك حق في كل اللي انتي قولتيه بس في عامل تاني ماخديش بالك منه هو الحالة الاقتصادية الراهنة


قد تكون التربية سليمة وقد اجتهد الاب والام في التربية ولكن الظروف الراهنة من صعوبة العيش والفقر والبطالة والتضخم السائد في البلاد قد يدفع الفرد الي فعل اشياء لا يريدهاولكنه قد اجبر عليها

ولنا في حادثة غرق الشبان قباله السواحل الايطالية مثال فهم قد يكونوا نشئوا علي تربية سليمة ولكن ضيق العيش وذات اليد دفعتهم الي التزوير والهروب لأييجاد لقمة عيش

فانا اري عامل التربية مهم ولكنه ليس هو العامل الاوحد

تقبلي تحياتي

shady said...

عندك حق في كل اللي انتي قولتيه بس في عامل تاني ماخديش بالك منه هو الحالة الاقتصادية الراهنة


قد تكون التربية سليمة وقد اجتهد الاب والام في التربية ولكن الظروف الراهنة من صعوبة العيش والفقر والبطالة والتضخم السائد في البلاد قد يدفع الفرد الي فعل اشياء لا يريدهاولكنه قد اجبر عليها

ولنا في حادثة غرق الشبان قباله السواحل الايطالية مثال فهم قد يكونوا نشئوا علي تربية سليمة ولكن ضيق العيش وذات اليد دفعتهم الي التزوير والهروب لأييجاد لقمة عيش

فانا اري عامل التربية مهم ولكنه ليس هو العامل الاوحد

تقبلي تحياتي

shady said...
This comment has been removed by the author.
مصراوي أوي said...

فعلا نصيحة مهمة جدا

ان شاء الله هقرأ هذا الكتاب


عشان نكون بيت مسلم صح باذن الله

تحياتي وسلام الله عليك

haneen said...

موضوع مؤثر وخطي فعلا اتمنى لكى كل التوفيق ويا ريت تشرفينى فى مدونتى المتواضعه لان رايكم بيهمنى جدا
خالص تحياتى

محمد على ..هي كده said...

تعرفى

احنا اوقات كتير مش بنربى اولادنا اصلا


ولا على الخير ولا الشر

ولا على الصح ولا الغلط

احنا بنربيهم وخلاص

زى ما بتجى معنا اى حاجه

مرة كنت بسمع حلقه د.ياسر نصر عن التريبه ولقيت مهازل

ناس بتتصل بى وبتقول حاجات اول مرة كنت اتخيلها

ازاى ام واب مش عارفين كده

دى الف باء تريبه
بجد محتاجين نتربى عشان نعرف نربى اولادنا

صانعة الحرية said...

السلام عليكم
اخى محمد مارو جزاك الله خيرا وعند حضرتك حق يا فندم

صانعة الحرية said...

اخى امام الجيل
حضرتك فكرتنى باولاد الشوارع
لما قلت بترمى ولادهم فى الشارع
من كام يوم شفت بنت لاتتعدى الثلاث سنوات
من اطفال الشوارع صعبت على اوى
وسألت عليها هل لها اب او ام قيل لى لا
فذهبت اليوم الى احد دور الايتام علشان اسأل ازاى ممكن يتم اداعها فى الدار وطلعوا عارفينها وقالوا لى ان لها اهل بس هما اللى رمينها فى الشارع وحسبنا الله ونعم الوكيل

جزاك الله خيرا كثيرا

صانعة الحرية said...

السلام عليكم
اخى طال الليل جزاك الله خيرا
بس فعلا عند حضرتك حق
وربنا يعنا جميعا على تربية ابنائنا التربيه التى ترضى ربنا عنا
وجزاك الله خيرا

صانعة الحرية said...

السلام عليكم
اخى الجمعاوى الاصيل
والله عند حضرتك حق
وانا جربت الحكايه دى مع احد اقربائى
البنت بتستجيب بسهوله
لان عقلها صفحه بيضاء
ولكن الاسره بتغير المفاهيم
فبتبقى عايشهع فى تشتت
يعنى اقولها بلاش الاغانى الوحشه ونسمع الاناشيد اللى تودينا الجنه
وبعدين تلاقى مامتها بتسمع
الاول كانت تتصدى وتقولها حرام يا ماما وتجى تقولى ووالله كانت ساعات بتعيط علشان بيعملوا حاجه حرام تزعل ربنا
وطبعا لانها بتقعد فى البيت اكتر ما بتقعد معايا
فخلاص
الاغانى بقت عادى
وكمان المفسيديون
وحسبنا الله ونعم الوكيل

صانعة الحرية said...

السلام عليكم
الاخ الفاضل شادى
اولا سعيده جدا بتشريف حضرتك لمدونتى
ومتفقه مع حضرتك فى كلامك
فعلا الفقر ساعات بيكون عامل
بس الاساس التربيه
لو متربى صح
وعلى الاسلام الصحيح والله لو هيموت من الجوع
هيتقى الله
وجزاك الله خيرا
ونورت المدونه

صانعة الحرية said...

السلام عليكم
جزاك الله خيرا اخى مصراىوى
ومبارك على الخطوبه ولو انها جت متاخره شويتين تلاته

صانعة الحرية said...

haneen الاموره
حالا يا فندم على مدونتك
ونورتى المدونه وياريت متكونش اول واخر زياره

صانعة الحرية said...

السلام عليكم
والله عند حضرتك حق يا اخ محمد
فعلا فى ناس بترمى ولادهم فى الشارع ولا بتربى ولا بتتعب نفسها
دكتور ياسر دا حكايه انا بحب اسمعه جدا راااائع ما شاء الله عليه