اهو جه يا ولاد

Saturday, December 1, 2007

اول تاااااج.........لو.........لو


  • التاااااااااااج الاول

الاخ امام الجيل دبسنى فيه

بس تدبيسه لا باس بها

على بركة الله

بسم الله

لو مكنتش مصري بس عربي
كانت هتبقى إيه نظرتك للمصريين واللي بيحصل في مصر دلوقتي؟
والله اكيد كانوا هيصعبوا على من البهدله اللى هما فيها

العرب كلهم مش المصريين بس

بس اقول ايه

ابتغوا العزه فى غير الاسلام

فاذلهم الله





لو كنت أوروبي أو غير مسلم
بردو إيه نظرتك للعرب والمسلمين؟

فى الحاله دى مش عارفه

بس الغرب واخده عننا فكره وحشه جدا ودا انا اتاكدت منه بعد ما طرحت سؤال ما انطباعك نحو الاسلام والمسلمين

بجد بينظرولنا نظره دونيه

فاكيد كنت هبقى حاجه من اثنين

يا اما برضه هنظرلهم نفس النظره الدونيه

او

هحاول افهم دينهم صح

النهارده الدكتور بتاع السيره قال لنا كلمه عجبتنى اوى

قال

الاسلام دا دين حلو اوى يا ولاد ومجتاج امه كويسه

ففعلا محتاجين نكون واجهه كويسه للاسلام

لو كل واحد شال هم الدين مكنش دا بقى حالنا

والحمد لله على نعمة الاسلام وكفى بها نعمه..
لو قالولك إنت بقيت رئيس جمهورية هتعمل إيه؟

ههههههههههههه رئيس جمهوريه مره واحده

من كام يوم وانا راجعه من الكليه قعدت افكر فى الموضوع ده لو بقيت رئيس جمهوريه

اولا انا لا ارتضاها لنفسى لانى لست كفا لها

بس لو

هشهيصكم واهشتكم وابشتكم

وانغنغكم

وهمنع الفول وهقفل المعتقلات

وهلفى كلنة الجماعه المحظوره دى

وهعطيكم حريه التعبير عن رايكم بجد مش زى صاحبنا

وهوفر فرص عمل حقيقيه مش كدا وكدا

وهغير مناهج التعليم دى اول حاجه هعملها

وهزود دراسة العلم الشرعى على المدارس

ياااااااااااااااااااااااااااه

بس كفايه كده احسن انا عشت الدور هههههههه
..
لو كان ينفع ترجع طفل تاني وتخليك طفل علطول هترجع؟ وليه؟

يااااااااااااااااااااه ياريت

اعشق الاطفال بطريقه غير عاديه

وبقعد ابوس فيهم ببقى هاكلهم

وبتدرب فيهم على التربيه

واتمنى ان اعود الى الطفوله كنت عسوله وانا صغيره

معرفش ايه اللى حصل لما كبرت هههههههه


بس ليت الطفولة تعود يوما والمصاصه..
لو إنت طبيب وعندك مريض ميؤوس من حالته
أيهما تفضل
إنك تصارحه بالوضع وتقوله كل شيء بأمر الله في الاخرولا تغرس فيه الامل
لغاية لما يموت؟

والله مش عارفه

بس على حسب طبيعة مرضه وعلى حسب شخص اللى ادامى

لو حسيت انه هياخدها بصبر وهيزود فى عبادته وتقربه من ربنا وكذلك هياخد بالاسباب وياخد العلاج

هقله

لكن لو كان الصدمه ممكن تخليه يياس ويتوقف عن العلاج اكيد مش هقوله طبعا
..
لو سمح لك برؤية الرسول عليه الصلاة والسلام وإنك تقوله كلمة واحدة بس
أو جملة واحدة بس
هتكون إيه؟

ياااااااااااااااااااااااااااااااااااااااااااااااه

امنية حياتى

دايما بتخيل انى حلمت بيه وانه باس راسى وطبطب على وبشرنى برضا ربنا

لكن لو رزقت رؤيته وسمح لى بجمله واحده

هقوله

اسالك مرافقتك فى الجنه

..
لو خطبت واحدة أو اتخطبتي لواحد
وأثناء الخطبة اكتشفت أو اكتشفتي إن الطرف الآخرغير قادر على الإنجاب
هيكون تصرفك إيه؟

والله انا مش ناويه اتخطب لاى واحد

انا هتخطب لاحب شباب الاخوان المسلمين الى الله

هذا ظنى بربى

وبعدين الزواج بالنسبه لى انتقال من طلب الجنه

الى طلب الفردوس الاعلى بغير حساب ولا سابقة عذاب

يعنى لو ربنا رزقنى بالزوج اللى هيعنى على الطاعه وعلى طلب العلم

يبقى ممكن استغنى به عن الدنيا كلها

مش عن الاطفال بس

..
لو طلعت القمرهتكتب إيه عليه؟

اولا هسجد عليه

ثانيا هكتب

لا اله الا الله محمد رسول الله
..

لو كنا في عصر ازدهار الأندلس
كنت تتخيل نفسك إزاي؟

اعتقد كنت هبقى زى ما انا بس اكيد كان هيبقى فى حريه اكتر من كدا

واكيد كنت ههتم بدراسة العلم الشرعى من الصغر

مش بعد الكبر زى الان

...
لو أنا مررت التاج ده لحد وما جاوبش عليه أعمل فيه إيه؟

هلتمس له العذر

التمس لاخيك سبعين عذرا فان لم تجد له عذر فقل لعل ان له عذر لا اعرفه

همرر التاج لـ

لميييين يا سوسو لمييين؟؟؟

دايه زهرة امل

-الاء الحجار(لؤلؤه)

-للاخ محمد عصفور(المواطن المطحون

-اجرى على الله

6-عمر محمود

-الاخ محمد على (هى كده)

-الفاتحان اليعقوبى والجعفرى

-لكل اللى يعدى من المدونه ويكتب تعليق او ميكتبش

يعنى لاى عابر سبيل

انتظروا التاج القادم

ومعلش دا اول تاج

استحملوا سخافة الاجابات

المره الجايه ان شاء الله يكون فى تحسن




48 comments:

الفاتح الجعفري said...

اختنا صانعه الحريه
اجابات موفقه رنا يبارك في حضرتيك واضح منها ان حضرتيك تحبي دراسه العلم الشرعي
علمكي الله ماينفعك ورزقكي علما نافعا
وانا برشح حضرتيك للرئاسه
اه نسيت مينفعش المرأه تتولي الامامه والخلافه
هارد لك معلش
وتاني مره اول
تعليق
وجزاكم الله كل خير

walaa said...

ربنا يكرمك يا رب وتكونى اكثر طاعه الى الله وربنا يكرمك بالزوج الصالح الذى يعينك على دخول الجنه

عمر محمود said...

شكراً جزيلاً على التاج
هدية مقبولة
وإجابات موفقة
ولكم عندنا رحلة إلى رفح
اتفضلوا على الرابط
http://yalaya3mlak.blogspot.com/2007/12/blog-post.html

هاني جابر said...

اختنا صانعة الحرية
بارك الله فيكي
إجابات تخرج من القلب
ربنا يباركلك ويعزك يارب
لا تنسينا من دعائك

محمد على ..هي كده said...

طيب انا مستنى التاج بتاعى

امام الجيل said...

اجابات جميلة
وربنا يرزقك من فضله
ويزيدك علما وتقوى
ويرزقك باحب انسان الى الله
وما ذلك على الله بعزيز
وربنا يفك كربك
ويزيل همك
وان شاء الله متغيبيش كتير
اعانك الله

اجري على الله said...

اختنا صانعة الحريه شكرا على التمرير انا جديد في موضوع التاجات ده ربنا يستر وجاري الرد انشاء الله

لكن اجابات حضرتك جميله فعلا وتحس انها طبيعيه
وانشاء الله ربنا يكرمك ويكرمنا ونشوف حضرة النبي الاكرم صلى الله عليه وسلم

الشاعر بن هلال

ابن اسكندرية said...

هو فيه ايه يا جماعه
كل ماادخل الاقى تاج
لسه كنت عند امام الجيل وعنده نفس الكلام وعلى فكرة موضوع رئيس الجمهوريه ده جميل اوى اجمل ايجابات لاقتها فيه
انا حقعد ادعيلكم توصلوا للرئاسة عشان تظبطو الشعب
احسن الشعب محتاج واحد يخرجه شويه من الحاله الضنك الللى هو فيها
يلا بقى حبه من نفسنى مش كفايه البهدله اللى الواحد عيشها من ساعة ما خرج للدنيا

عصفور المدينة said...

بارك الله فيك
بس الحمد لله النساء لا يصلحون للرئاسة وإلا الميزانية تخرب

خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
خادمة الاسلام said...
This comment has been removed by the author.
صانعة الحرية said...

اولا معذرة على الى اتمسح ده
كتبت الردود وما اخدتش بالى من اليوزر الموجود
مكانش بتاعى
بتاع اخت مدونه تانيه

نعيييييد تانى

اخى الفاضل
الفاتح الجعفرى
اميييييييييييين
جزاكم الله خيرا يا فندم
اما عن تولى رئاسه (لعن الله قوم ولوا امورهم امراه) ولا ايييه؟؟
وبعدين احنا بنقول لو
حرف امتناع لامتناع
ههههه

صانعة الحرية said...

ولاء
منوره يا قمر
اميين
وياريت تدعى لى كمان ببركة الوقت وان ربنا ييسر لى المذاكره
كدا يبقى جزاكى الله خيرا

صانعة الحرية said...

ابو البراء
جزاك الله خيرا يا فندم
والشكر لله
وهننتظر رد حضرتك على التاج
ورحله موفقه
وربنا يجعلها فى ميزان حسناتكم
جعلتنى اشعر بقشعره فى بدنى وانا ارى الصور

صانعة الحرية said...

اخى الفاضل
هانى جابر
جزاك الله خيرا يا فندم
وربنا يعز حضرتك
وانا بدعى لكل المدونين
بس انا فعلا اللى محتاجه الدعاء الفتره دى

صانعة الحرية said...

اخى الفاضل
محمد على
ما هو دا التاج يا فندم
يلا مستنين الاجابات بتاع حضرتك
خده كوبى وامسج اجابتى واكتب اجابة حضرتك

صانعة الحرية said...

اخى الفاضل امام الجيل
اولا جزاك الله خير على التاج
ثانيا امين
وجزاكم الله خيرا
انا مقدرش اغيب عن التدوين
اكيد ان شاء الله هفتح المدونه كل يوم
بس هى ساعه واحده
علشان المذاكره

صانعة الحرية said...

اخى الفاضل

اجرى على الله
ربنا يكرمك يا فندم
وجزانا واياكم
واجابات حضرتك جميله ما شاء الله
ولا تنسانا من صالح دعائك

صانعة الحرية said...

اخى الفاضل
ابن الاسكندريه
جزاك الله خيرا يا فندم ومنور المدونه
ومنتظرين اجابات حضرتك على التاج

صانعة الحرية said...

استاذنا الكبييييييييير اوى خالص جدا
مفتقدين تعليقات حضرتك يا فندم
انا كنت زعلانه وكنت هشتكى بس خلاص سماح عرفت السبب
هههههههههههالنساء لايصلحون للرئاسه مفهوم يا فندم(اعن الله قوم ولوا امورهم امرأه)وبعدين زى ما حضرتك قلت قبل كده لما ست تمسك الرئاسه حضرتك تشتغل ايه؟

تجمع المدونين الطامحين في وطن عربي بدون سجين رأي واحد said...

تتشرف اسرة "يالانفضحهم "ا


بدعوة سيادتكم لافتتاح مقرها بالاسكندرية


مركز ضحايا


للاستشارات القانونية والتأهيل النفسى


مع مفاجأة الافتتاح


محاضرة يلقيها الناشط الحقوقى


الاستاذ / اسلام لطفى "المحامى "ا


بعنوان (مبادىء واساسيات حقوق الانسان )ا


وذلك يوم الجمعة الموافق 14/12/2007 فى تمام الساعة الواحدة ظهرا


العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية


ت:- 5484897 - 0166885063

محمد مارو said...

كرب ايه بس ؟
ربنا يرفع عنك كربك يا رب العلمين
و اذاكنتى فى حاجه لاى شىء كلنا اخوتك فى الاسلام فلا تترددى
و ان شاء الله تعودى لنا مبتسمه و تملائى الدنيا كتابات جميله كما عودتينا

ابوزياد الفاتح said...

ربنا يكرمك يارب
معلش انا جيت متاخر بس
مشغول والله
وانت عارفه الدراسه وظروفها
واجابتك روعه فعلا
وربنا يكرمك يارب

انا هاعطيكى جايزه
على اول تعليق لكى عندى
هادعيلك دعوه بظهر الغيب باذن الله


ابوزياد الفاتح

الجمعاوي الاصيل said...

صانعة الحرية

على فكرة انا كان لي تعليق هنا

بس مش عارف هو راح فين

او مين مسحوا

ياريت اعرف هو راح فين

صانعة الحرية said...

تجمع المدونين الطامحين في وطن عربي بدون سجين رأي واحد

جزاكم الله خيرا
وربنا ييسر

صانعة الحرية said...

اخى الفاضل
محمد مارو
ربنا يعز حضرتك يا فندم
ويبارك فيك
بس محتاجه فقط الدعاء
وان شاء الله هبقى اكتب بوست عن هذا الكرب ان شاء الله

صانعة الحرية said...

اخى الفاضل
ابو زياد ربنا يكرمك يا فندم
ويبارك لحضرتك فى الوقت وييسر لك المذاكره
وجميله الجائزه جزاك الله خيرا
وانا فى اشد الحاجه اليها

صانعة الحرية said...

هههههههههههههههه
اخى الفاضل
الجمعاوى الاصسل
بتحصل فى احسن العائلات يا فندم
بس حضرتك معلقتش هنا قبل كده
تهيئات
وبتحصل كتير
وخاصه فى عالم المدونين
وتعيش يا فندم وتاخد غيرها

الجمعاوي الاصيل said...

صانعة الحرية فعلاً هي ممكن تكون تهيأت

العموم انا كنت في التهيأت

بقول ان اتاج ده من افضل التيجان اجابة

واقعي نموذجي رائع


ومعلش مرة تانية سعات الواحد دماغة بتلسع منه

لي استفسار

هو الجيش العربي فين

عايزة تعرفي

تعالي على ميخا وانت تعرفي

سلام

صانعة الحرية said...

العموم انا كنت في التهيأت

بقول
ههههههههههههه
جزاكم الله خيرا على اعاده كتابة التهيئات تانى
وربنا يعز حضرتك هو مين دا اللى من افضل؟؟
دا انا لسه باحبوا فى هذا العالم التدوينى
جزاكم الله خيرا على هذه المجامله

الفاتح اليعقوبي said...

السلام عليكم
استاذة صانعة الحرية انا اسف عشان تعليقي اتاخر بسبب النت اللي اتسعر وعمال يقافلي في المدونات كلها بسبب برنامج غبي حطيته


التاج
تاج محترم جدا وربنا يعيين حضرتك
جامدة حكاية هشيهصيكم وابشتكم
بس للاسف مينفعش امراة تبقي رئيس جمهورية والحمد لله


نصيحة
في طريق حضرتك لطلب العلم الشرعي ابحثي عن احد مراكز اعداد الدعاة بالقرب منك واذهبي اليها لان المشكلة مع اللي في سننا بيبقوا عايزين يعملوا حاجدات كتير وهو ده السن الطبيعي لكده فلازم اننا ناخذ خطوات عملية
وما المعهد الا فقط التزام بمواعيد ومحاضرات لطلب العلم
وطبعا سماع الدروس الدينية
الكتب حضرتك لاتقرايها منفردة يعني اقرايها ثم اعرضي مالم تفهمي علي شيختك او علي استاذتك
لان في قاعدة فقهية بتقول من لم يكن له شيخ فالشيطان شيخه
يعني مرجعية اكثر منك علما وفهما ترجعي لها كل فترة


ومن كان شيخه كتابه سبق خطائه صوابه

وربنا يسامح الجعفري اللي كل نص التاج وهو بينقله


وانتظروا البوست القادم علي المدونة بعنوان
الفضيحة
ياتري ايه هي الفضيحة
ومع مين كانت الفضيحة
كل ده في البوست الجاي
والسلام

مدونه انا بحبك يا مصر said...

2007@اولا ربنا يعذك وواضح انك جوبتى كل الاسئله بصراحه
ومن منظورك البسط والجميل فى نفس الوقت
طيب على كدة اول تاج يجى ليه هبعتهوك احمد الجيزاوى

صانعة الحرية said...

اخى الفاضل اليعقوبى
حمد ا لله على سلامة النت
اما عن طلب العلم
فانا الحمد لله فى معهد اعداد دعاه بالفعل
ومدوخه الدكاتره اسئله متخافش على اختك يعنى

اما عن الفضيحه
فنحن فى انتظارها ههههههههه
منتظرين البوست يا فندم

صانعة الحرية said...

اخى الفاضل
احمد الجيزاوى
اهلين وسهلين يا فندم
كنا مفتقدين تعليقات حضرتك
وجزاك الله خيرا
وفى انتظار التاج هههههههههه

عصفور اسكندرية ( المواطن المطحون ) said...

السلام عليكم
اولا شكرا علي التدبيس في التاج
ثانيا التاج دا انا متدبس فيه من مده من اول ما خرج بس مافيش وقت احله
ثالثا معلش انا مش حجاوب عليالتاج الان ولا علي التاجات الاربعه السابقين بتوعي عشان انا منشغل جدا
رابعا اجابات تلقائيه من شخصيه مؤمنه بالله
اعانكم الله ورزقكم البر والتقوي

ارجوا الدعاء لي

عمرو سلامة said...

ربنا يجزيكى الجنه يارب .. وتنوليها ويفك كربك وضيقتك يا بنت الناس الطيبين ...

فرنسا هانم said...

ربنا يفك كربك امين يارب
ادعى لكى من كل قلبى
ان تكونى فى ارق بال
اللهم امييييييييييييين

صانعة الحرية said...

اخى الفاضل
محمد عصفووررررر
ولا يهمك يا فندم
وربنا يوفق حضرتك يا رب ويبارك لحضرتك فى الوقت
ولا تنسانا من صالح دعائك

شوقى رجب said...

اولا فك الله كربك وكرب جميع المسليمين
ردود موفقه
وسعيد جدا بمرورك على مدونتى

صانعة الحرية said...

اخى الفاضل
عمرو سلامه
منور يا فندم
اعتقد ان دى اول زياره لحضرتك عندى وياريت متكونش الاخيره
وامييييييييين وجزاكم الله خيرا على الاضافه

صانعة الحرية said...

فرنساااااااااااااااااااا
عودا حميدا حبيبة قلبى
حمدا لله على سلامتك
ووحشانا كلنا
وشفاك الله وعفاك يارب وجعله الله فى ميزان حسناتك
وجزكى الله خيرا يا قمرايه

صانعة الحرية said...

استاذى الفاضل
شوقى رجب
امين
وجزاكم الله خيرا يا فندم
واتمنى ان تكرر الزياره