اهو جه يا ولاد

Monday, January 21, 2008

اين الحرية المزعومه؟؟؟اين الشرعيه الدوليه؟؟؟




فى تطور جديد و فى حلقة جديدة من حلقات مسلسل القبض على قيادات الإخوان






داهمت قوات من مباحث أمن الدولة منذ قليل منازل أعداد من قيادات الإخوان المسلمين فى الإسكندرية


جاء على رأسهم القيادى الإخوانى الدكتور إبراهيم الزعفرانى




و جاءت هذه المداهمات ردا على الوقفات التى نظمها الإخوان المسلمون يوم الجمعة السابقة




لمناصرة شعب غزة المحاصر والذي اعتقل فيها 9 من المشاركين في الوقفات




و يبدو أن أمن الدولة قرر أن يعاون العدو الصهيونى باعتقالات قيادات الإخوان




حتى لا تزداد مناصرتهم للإخوان و اهتم بلجنة الإغاثة ختى لا ترسل المعونات إلى قطاع غزة


============================================


الدكتور ابراهيم الزعفراني من مواليد / فوة - كفر الشيخ 10 يناير 1952خريج طب جامعة الاسكندرية وحاصل على




دبلومة الامراض الجلدية والتناسلية و ليسانس شريعة اسلامية جامعة الازهر و ليسانس حقوق جامعة الاسكندرية


وشغل عضوية مجلس نقابة الاطباء 1986 - 1990 ويشغل إلى الان أمين عام نقابة أطباء الإسكندريه


ومقررلجنة حقوق الإنسان وسجناء الرأي بالاسكندريه ( مركز ضحايا لحقوق الإنسان)


وأمين لجنة غوث بإتحاد الأطباء العرب وهو أحد قيادات الإخوان البارزه في الأسكندريه


وصاحب مدونه من الذاكره


==============================================


هذا هو التحرك الرسمي تجاه غزه من الحكومه المصريه




اين التحرك الشعبي من شعب مصرالذي لن يغفر الله له اذا لم يهب ولم يغضب لنصره اخوانه في غزه




الحكومه المصريه ترسل قوات لتحراب في افريقيا


وقوات لتعتقل في الاسكندريه




وتستعبط وتعمل نفسها مش سامعه غزه




لا حول ولا قوه الا بالله


=======================================




نقلا عن منتدى جامعه اون لاين


حرره اخونا المواطن المطحون


==============================


انا كمان اندهشت زيكم لما قرات الموضووع


لكن


هل سنصمت


صمتنا عار


طيب هنستنى لغايه لما يعتقلوا الاخوان ككلهم؟؟


طيب هنعمل ايه؟؟


انا عاوزه حلول


انا خلاص


شل تفكيرى


هل فعلا دا رد مصر على حصار غزه




هل الحكومه فعلا باعت القضيه


ونعمل ايه


نروح للعالم تقوله حكومتنا سابت القضيه شالت اديها


بالله ساعدنا


هل ردهم على العدوان بغزه هو اعتقالنا
طيب معترضين على المسيرات والمظاهرات السلميه والوقفات الاحتجاجيه
حلوا القضيه
خلاص متحلوهاش سيبونا احنا بقى نحلها
انما تعتقلونا
تفتكروا هو دا الحل

عايزه اقولهم


انتوا بتناموا ازاى؟؟؟؟


انتوا بتاكلوا ازاى؟؟؟؟؟


انتوا مش حاسين انكم خدام؟؟؟؟؟؟؟؟؟


====================


اللهم اصلح ولاة امورنا


اللهم ابعث فينا عمر اللهم ابعث فينا عمر اللهم ابعث فينا عمر


اللهم لاتؤاخذ اخواننا بذنوبنا وذنوب هؤلاء الحمقى الذين باعوا دينهم بالقليل الزائل


من عرض هذه الدنيا الفانيه

Friday, January 18, 2008

فلسطين قضيتنا جميعا

فلسطين قضيتنا جميعا

اولا اعتذر عن تقصير لكل اخواتى اخوانى المدونين

مش قادره اكتب ولا اقرا لا اعلق

فلسطين

بلد اسلامى

بعيد عن اهلها وشعبها هى اسلاميه حتى قبل ان تكون عربيه

اسلاميه

يعنى اخوانا هناك مسلمين

مسلمين يموتوا جوعا

مسلمين يموتوا عطشا

مسلمين لايجدون مأوى

مسلمون لا يجدون قوت يومهم



سأسأل انا وانت وانتى عن هذه القضيه

ماذا ستقول لربك اذا سالك ماذا قدمت لدينك؟؟؟؟؟

ماذا فعلت لفلسطين الاسلاميه؟؟؟؟؟


انا عن نفسى مش عارفه هقول ايه


بس قعدت افكر انا اقدر اعمل ايه


اقدر اكتب صح وبعدين؟؟؟؟

مش عارفه

طيب اقدر ادعى؟؟؟؟؟

اه ماشى تمام

وبعدين؟؟؟؟

مش عارفه

اشعر بحاله غير عاديه من العجز

وبعدين قلت انا جهادى الان انى اعرف الناس القضيه

وبعدين قلت ناس مين؟؟؟

قلت الغرب

ولكن كانت الطااااامة الكبرى

اذ ان المسلمون العرب ايضا لا يعوا هذه القضيه

نعم والله اتحدث بصدق

قمت بعمل مجموعه على الفيس بوك

هذا رابطها يمكنكم الاشتراك بها
http://www.facebook.com/group.php?gid=7452478605

وبعد ذلك دخلت الى ساحة النقاش المصريه لمجرد انى اعمل اعلان عن المجموعه

وبدا الحوار

هذا هو رابط الحوار

يمكنكم ايضا المشاركه فيه
http://www.facebook.com/topic.php?uid=2244370452&topic=12440&ref=mf

يعنى شوفتوا الكارثه العرب والغرب

مش الغرب بس

الفيس بوك ممكن يساعدنا كتير ممكن نتناول فيه القضيه لانه عليه عدد كبيييييييير من الشباب

ولكن مش لوحدى هقدر اوصل القضيه

مش انا وجنه ومسلمه وبس
لا
محتاجه كل مدونه وكل مدون يساعدنى

وخاصة الاخوه لاننا كأخوات بنتعرض لمضايقات

بسببها اضطررت انى اغير اليوزر بتاعى

محتاجاكم معايا

حتى من باب معذرة الى ربكم

يبقى عملنا اللى نقدر عليه
==========================
اعلم ان الموضوع والكلام مش منظم
بس بجد مش قادره اكتب خلاص
حتى لغيت البوست اللى كنت هنشره ونشرت ده

محتاجه دعائكم
لا تنسونى ولا اخوانكم فى فلسطين من الدعاء
====================

اليكم هذا الرابط
موضوع اعجبنى اتمنى ان تقراوه
http://www.saaid.net/mktarat/flasteen/59.htm

Wednesday, January 16, 2008

لا تعليق.......وحسبى الله ونعم الوكيل















لا تعليق

والله لم استطع ان اكتب اى كلمه تحت اى صوره


لذا تركت الصور تعبر على ما بداخلى
وحسبنا الله ونعم الوكيل
وانتظروا البوست القادم

Sunday, January 6, 2008

فضفــضــــــــــــــــــــــــــــــــــــــــــــــــــــه


السلام عليكم

انا مكنتش ناويه اكتب حاجه غير لما اخلص امتحانات

بس الموضوع ده بيتكرر امامى كثير ومضايقنى اوى



بقلت افضفض معاكم شويه

لانى برتاح لكم جدا

واشهد الله انى احبكم فى الله

الموضوع هو


ان يجعل الناس ربهم هو اهون الناظرين اليهم

ممكن اسأل حضراتكم سؤال

اين الله فى حياتكم؟؟؟؟

هل ربنا سبحانه وتعالى له اول اولويه فى حياتك

ولا دا اخر حاجه بتفكر فيها



هل انت عايش لله؟؟
ام انك تحيى لنفسك

الفتره دى كل تأملاتى فى الناس وتصرفاتهم

بدأت اشعر بخزى وان هذه الامه لا تستحق النصر

اناس اضاعوا اوقاتهم التى هى اعمارهم فى لا شىء

منهم من اضاعاها فى الذنوب والمعاصى ومنهم من اضاعها فى الغفله

اشعر ان الغافلين اشد خطرا من غيرهم

المذنبين يعلمون انهم مذنبين

فربمان ان يمن الله عليهم يوما بالهدايه

اما الغافل فهو فى عالم اخر




الناس دى بتصعب على اوى وبتحسسنى بنعم ربنا علينا

انه خلانا عارفين احنا عايشين ليه

وايه الهدف الذى نحيا لاجله


لما بشوفهم او بتكلم معاهم وبشوف مدى سطحية تفكيرهم بجد بحمد ربنا اوى

وبعدين بقعد افكر وانتوا كمان فكروا معايا

اين الله فى حياتنا؟؟؟

الفتره دى فترة امتحانات



يعنى احيانا اقضى الليل مع الكتاب

لماذا؟؟؟؟ لكى انجح فى امتحان الدنيا

فماذا عن امتحان الاخره

هل تقضى الليل ايضا خوفا من ان ترسب فى امتحان الاخره

هل انت ممن قال عنهم الله**تتجافى جنوبهم عن المضاجع يدعون ربهم خوفا وطمعا****ام

انك من اللذين باعوا دينهم من اجل دنياهم

هل تحيا لله

عن امير المؤمنين عم بن الخطاب قال سمعت رسول الله صلى الله عليه وسلم يقول((انما الاعمال بالنيات وانما لكل امرىء ما نوى فمن


كانت هجرته الى الله ورسوله فهجرته الى الله ورسوله ومن كانت هجرته الى دنيا يصيبها او امراه ينكحها فهجرته الى ما هاجر
اليه))))صدقت يا حبيب قلبى يا رسول الله

طيب احنا مين فى دول

هل هجرتنا لله



هل تركنا الذنوب وتركنا ملذات الدنيا وشهواتها لله

يعنى هل ربنا مهم فى حياتنا



اول لما بتصحى من نومك بتفكر فى ايه؟؟؟

وقبل ما تنام؟؟؟

هل ربنا شاغل حيز فى حياتك؟؟؟

هناك اناس يشغل الله كل حياتهم واحسبكم منهم

واتمنى ان يكون ربى له اول اولويه فى حياتى

حاسه انى كلامى مش منظم بس انا قلت لكم هفضفض معاكم

وبعدين استحملونى بقى


مش احنا اخوت فى الله

بجد نفسيتى مدمره هذه الايام

اصبحت افكر فى الاشياء بعمق على غير العاده

بستغرب اوى لما بيجيلى رسايل سواء على الفيس بوك او على ميل المدونه من ناس مش بتخاف من ربنا

من مناس متعرفش ان ربنا قال((ولا متخذات اخدان))هل الناس دى عايشه لله؟؟؟

لا والله

لو عايش لله

لو عارفف ان ربنا شايفه

مش هيعمل كده

دا لو عارف ان ابوه شايفه مش هيعمل كده بس هما البشر كده بيجعلوا الله اهون الناظرين اليكم

الا من رحم ربى

*************************************

تانى نقطه برضه لها علاقه شويه بالاولى

قرب الاجل

مش عارفه ليه دايما حاسه انه قد قرب اجلى

وخاصة هذه الايام

حسيت الاحساس دا اوى امبارح


الساعه اربعه ونص الصبح

وخلاص اتوضيت واستعديت للموت

وقعدت ابكى واقول يارب لا تقبضنى هكذا لاتقبضنى الا شهيده

وبعدين يارب انا لسه معملتش حاجه لدينى

طيب لما اعمل حاجه

وبعدين قلت فى نفسى


الموت مش هيستننانى لما اعمل حاجه

(قل ان الموت الذى تفرون منه فانه ملاقيكم) تذكرت هذه الايه وبعدين قلت

انا مش بفر والله بس انا اتمنى الموت بصفه معينه

ومتأكده ان ربنا سبحانه وتعالى سوف يكتب لى ما تمنيت وما طلبت منه

(ادعونى استجب لكم) يعنى المسأله منتهيه وانا دعيت اذن فعلى الله الاجابه

وكمان احسنت الظن بالله

المهم ادعوا لى ان يطيل الله عمرى لغايه لما اعمل حاجه لدينى علشان الاقى حاجه اقولها له يوم القيامه

ولا قبضنى اليه الا شهيده

****************************************

ثالث حاجه دى شكر لاستاذتى

عارفين مجرد لما بكلمها والله بيبقى عندى شحنه ايمانيه غير عاديه

كان لها على فضل عظيم بعد الله

المعهد كانت هى صاحبة الفكره

حفظ القران كانت هى برضه صاحبة الفكره وهى اللى عرفتنى الشيخ وكمان راحت معايا له

كل لما الاقى نفسى ببعد

او قلبى يقسو

اكلمها

سبحان الله

كل كلامها عن الله

عن الجنه

ازاى نوصل لاعلى حاجه

تبكى عندما تعلم شىء يوصل الى الجنه وهى مقصرة فيه

اشعر انها صحابيه تمشى على الارض

شهيده بين الاحياء

من كام يوم بكلمها قعدت تكلمنى عن القران


وان اللى بيتتعتع فى القران فى الدنيا هيتتعتع يوم القيامه

لاتتخيلوا كانت بتتكلم بحزن ازاى

لانها تشعر بتقصير فى مراجعة القران

بجد انى احبها فى الله

كل لما اقدم على شىء واقولها اجد منها ترحاب ودعم غير عادى

فى كل شىء

فى حياتى الخاصه وفى شغلى على النت

وفى طلب العلم

انا عاوزه اقولها

انى احبك فى الله

وعاوزاكم كلكم تدعوا الله لها

ان يطيل عمرها فى طاعته ولا يقبضها اليه الا شهبده
****************