اهو جه يا ولاد

Sunday, January 6, 2008

فضفــضــــــــــــــــــــــــــــــــــــــــــــــــــــه


السلام عليكم

انا مكنتش ناويه اكتب حاجه غير لما اخلص امتحانات

بس الموضوع ده بيتكرر امامى كثير ومضايقنى اوى



بقلت افضفض معاكم شويه

لانى برتاح لكم جدا

واشهد الله انى احبكم فى الله

الموضوع هو


ان يجعل الناس ربهم هو اهون الناظرين اليهم

ممكن اسأل حضراتكم سؤال

اين الله فى حياتكم؟؟؟؟

هل ربنا سبحانه وتعالى له اول اولويه فى حياتك

ولا دا اخر حاجه بتفكر فيها



هل انت عايش لله؟؟
ام انك تحيى لنفسك

الفتره دى كل تأملاتى فى الناس وتصرفاتهم

بدأت اشعر بخزى وان هذه الامه لا تستحق النصر

اناس اضاعوا اوقاتهم التى هى اعمارهم فى لا شىء

منهم من اضاعاها فى الذنوب والمعاصى ومنهم من اضاعها فى الغفله

اشعر ان الغافلين اشد خطرا من غيرهم

المذنبين يعلمون انهم مذنبين

فربمان ان يمن الله عليهم يوما بالهدايه

اما الغافل فهو فى عالم اخر




الناس دى بتصعب على اوى وبتحسسنى بنعم ربنا علينا

انه خلانا عارفين احنا عايشين ليه

وايه الهدف الذى نحيا لاجله


لما بشوفهم او بتكلم معاهم وبشوف مدى سطحية تفكيرهم بجد بحمد ربنا اوى

وبعدين بقعد افكر وانتوا كمان فكروا معايا

اين الله فى حياتنا؟؟؟

الفتره دى فترة امتحانات



يعنى احيانا اقضى الليل مع الكتاب

لماذا؟؟؟؟ لكى انجح فى امتحان الدنيا

فماذا عن امتحان الاخره

هل تقضى الليل ايضا خوفا من ان ترسب فى امتحان الاخره

هل انت ممن قال عنهم الله**تتجافى جنوبهم عن المضاجع يدعون ربهم خوفا وطمعا****ام

انك من اللذين باعوا دينهم من اجل دنياهم

هل تحيا لله

عن امير المؤمنين عم بن الخطاب قال سمعت رسول الله صلى الله عليه وسلم يقول((انما الاعمال بالنيات وانما لكل امرىء ما نوى فمن


كانت هجرته الى الله ورسوله فهجرته الى الله ورسوله ومن كانت هجرته الى دنيا يصيبها او امراه ينكحها فهجرته الى ما هاجر
اليه))))صدقت يا حبيب قلبى يا رسول الله

طيب احنا مين فى دول

هل هجرتنا لله



هل تركنا الذنوب وتركنا ملذات الدنيا وشهواتها لله

يعنى هل ربنا مهم فى حياتنا



اول لما بتصحى من نومك بتفكر فى ايه؟؟؟

وقبل ما تنام؟؟؟

هل ربنا شاغل حيز فى حياتك؟؟؟

هناك اناس يشغل الله كل حياتهم واحسبكم منهم

واتمنى ان يكون ربى له اول اولويه فى حياتى

حاسه انى كلامى مش منظم بس انا قلت لكم هفضفض معاكم

وبعدين استحملونى بقى


مش احنا اخوت فى الله

بجد نفسيتى مدمره هذه الايام

اصبحت افكر فى الاشياء بعمق على غير العاده

بستغرب اوى لما بيجيلى رسايل سواء على الفيس بوك او على ميل المدونه من ناس مش بتخاف من ربنا

من مناس متعرفش ان ربنا قال((ولا متخذات اخدان))هل الناس دى عايشه لله؟؟؟

لا والله

لو عايش لله

لو عارفف ان ربنا شايفه

مش هيعمل كده

دا لو عارف ان ابوه شايفه مش هيعمل كده بس هما البشر كده بيجعلوا الله اهون الناظرين اليكم

الا من رحم ربى

*************************************

تانى نقطه برضه لها علاقه شويه بالاولى

قرب الاجل

مش عارفه ليه دايما حاسه انه قد قرب اجلى

وخاصة هذه الايام

حسيت الاحساس دا اوى امبارح


الساعه اربعه ونص الصبح

وخلاص اتوضيت واستعديت للموت

وقعدت ابكى واقول يارب لا تقبضنى هكذا لاتقبضنى الا شهيده

وبعدين يارب انا لسه معملتش حاجه لدينى

طيب لما اعمل حاجه

وبعدين قلت فى نفسى


الموت مش هيستننانى لما اعمل حاجه

(قل ان الموت الذى تفرون منه فانه ملاقيكم) تذكرت هذه الايه وبعدين قلت

انا مش بفر والله بس انا اتمنى الموت بصفه معينه

ومتأكده ان ربنا سبحانه وتعالى سوف يكتب لى ما تمنيت وما طلبت منه

(ادعونى استجب لكم) يعنى المسأله منتهيه وانا دعيت اذن فعلى الله الاجابه

وكمان احسنت الظن بالله

المهم ادعوا لى ان يطيل الله عمرى لغايه لما اعمل حاجه لدينى علشان الاقى حاجه اقولها له يوم القيامه

ولا قبضنى اليه الا شهيده

****************************************

ثالث حاجه دى شكر لاستاذتى

عارفين مجرد لما بكلمها والله بيبقى عندى شحنه ايمانيه غير عاديه

كان لها على فضل عظيم بعد الله

المعهد كانت هى صاحبة الفكره

حفظ القران كانت هى برضه صاحبة الفكره وهى اللى عرفتنى الشيخ وكمان راحت معايا له

كل لما الاقى نفسى ببعد

او قلبى يقسو

اكلمها

سبحان الله

كل كلامها عن الله

عن الجنه

ازاى نوصل لاعلى حاجه

تبكى عندما تعلم شىء يوصل الى الجنه وهى مقصرة فيه

اشعر انها صحابيه تمشى على الارض

شهيده بين الاحياء

من كام يوم بكلمها قعدت تكلمنى عن القران


وان اللى بيتتعتع فى القران فى الدنيا هيتتعتع يوم القيامه

لاتتخيلوا كانت بتتكلم بحزن ازاى

لانها تشعر بتقصير فى مراجعة القران

بجد انى احبها فى الله

كل لما اقدم على شىء واقولها اجد منها ترحاب ودعم غير عادى

فى كل شىء

فى حياتى الخاصه وفى شغلى على النت

وفى طلب العلم

انا عاوزه اقولها

انى احبك فى الله

وعاوزاكم كلكم تدعوا الله لها

ان يطيل عمرها فى طاعته ولا يقبضها اليه الا شهبده
****************

17 comments:

عمر محمود said...

أولاً: أحب اسجل تحياتى للفضفضة الجميلة دى
بجد من أجمل الخواطر اللى سمعتها فى أيام الامتحانات

فكرنى الهاجس اللى وصل لحضرتك ده بحدث عظيم

أنه اليوم الذى خرج فيه المرابطون لملاقاة الصليبين فى موقعة الزلاقة على أرض الأندلس ، ولما نام الجيش المسلم ليلة المعركة ، وكان من بين الجنود ، الفقيه المالكى (ابن رميلة)، فقد رأى ابن رميلة فى منامه تلك الليلة رسول الله صلى الله عليه وسلم وقال له النبى ( يا ابن رميلة انكم منصورون وانك ملاقينا) ، فلما ذهب ابن رميلة لخيمة الزعيم يوسف بن تاشفين ليقص عليه الرؤيا ، أمر القائد يوسف بن تاشفين الجنود بالاستيقاظ من النوم ، وقص عليهم الرؤيا وأمرهم بقراءة سورة الأنفال حتى مطلع الفجر

ثم كان النصر ، فعند الفجر تهيج رياح النصر ، كما قال النبى صلى الله عليه وسلم

كم من المسلمين من يستشعر معية الله فى هذه الأوقات الحرجة مثل أوقات الامتحانات

ومن هذا الذى ينشغل بهموم المسلمين فى وقت مثل ذلك

أختنا

بارك الله فيك وحفظك ورعاك وحفظ معلمتك
ونسأله سبحانه أن يهدينا والمسلمين وشباب المسلمين

اللهم آمين

عصفور المدينة said...

حفظك الله وحفظ أستاذتك وأعانك ويسر لك
وربما يكون الحال الذي ترينه تدميرا لنفسيتك هو أقرب الأحوال إلى الله

الحشرى said...

ما شاء الله عليكى مدونة رائعة

سلمت يداك أختى الكريمة وإن شاء الله نرى منك الخير الكثير

ربنا يحفظك ويصونك أختى الكريمة

امام الجيل said...

جميل
معانى جميلة جدا
وجميل الاستعداد للموت دائما وان الواحد
يكون حاسس انه ممكن يموت فى اى لحظة
بجد والله فى اى لحظة
سبحان الله
فعلا هنقول لربنا ايه
على تقصيرنا وذنوبنا غفر الله لنا
وبالنسبة لمعلمتك فاحمدى الله
ان رزقك بمثلها فمن جميل صنع الله بعباده
ان يرزقهم بذوى القلوب الحية
النابضة القريبة له
فى وقت العبادات بقت تؤدى فيه كروتين
والعمل الدعوى كانه وظيفة
الزميها ولا تتركيها ففيها حياة القلوب
رزقنا الله بمثلها
نفسى من زمان اوى ربنا يرزقنى بحد
عايش لله اوى كده وقلبه حى نابض

مصراوي أوي said...

فعلا لازم نقيس ايماننا مع ربنا بيننا وبين نفسنا

يعني هل سرنا افضل من علانيتنا؟؟




شعور الموت ده انتابني لفترة طويلة بس للاسف كان بصورة مرضية....لو بصورة ايمانية كان يبقي افضل....فيارب دايما نفضل متذكرين ان الموت قادم لا محالة في اي لحظة


ولا تنسي اختي الفاضلة ان هناك من الشهداء من يموت علي فراشه....النيــــــة


رايي من الافضل عدم وضع ايميلك واللي عايز يقول حاجة يقولها في التعليقات

ربنا يوفقك ويرزقك شهادة في سبيل الله وانتي بتحرري فلسطين

الفاتح الجعفري said...

اختنا ام القسام
يسر الله لكي في الامتحانات ده اولا
ثانيا فعلا والله مااقسي هذا الشعور ان اعصي الله واعلم انه يراني فعلا شعور فظيع والله
ومبحبش اتكلم فيه كتير لانه فعلا حاجه صعبه
والله يعلم اننا ماعصيناه اجتراء عليه ولكنها الدنيا تهزم نفوسنا الضعيفه اللهم قوي نفوسنا بك
ثالثا بقي اي حد يكلمك علي الخاص اقفلي في وشه بعد ماتقولي له اتقي الله او اقفلي الايميل احسن لحد اما يمشي لانه ممكن يشتم وحضرتيك فعلا الواحد بيدخل علي الغرف الاسلاميه في الياهو بيلاقي حجات فظيعه واحيانا ادخل اعمل للغرفه كلها اجنور واخرج تاني
ثالثا من نعم الله علي الانسان انه دايما يرزقه في طريقه بأناس صالحين يذكروه ويقوموه واستاذتيك من نعم الله عليكي وربنا يجمعكما في الدنيا والاخره
علي طاعته ومحبته
علي المسئول بتاعي انا ومحمود من الناس اللي ليهم فضل كبير جدا علينا والله فعلا الراجل ده كان ليه فضل كبير جدا في تربيتنا وكان لازم اذكره في ذكر هذه النقطه واشهد الله اني احبه في الله
والموت يااختنا هو فعلا اقرب غائب ننتظره اللهم اجعل يارب خير ايامنا يوم ان نلقاك وخير اعمالنا خواتيمها وامتنا شهداء في سبيلك
وجزاكم الله خير

مهندس مصري said...

السلام عليكم و رحمة الله و بركاته
انتي اتكلمتي في 3 مواضيع
الأول الإستهانة بنظرة الله و مراقبته للعبد و ده ذنب خطير وقانا الله و اياكم منه
و الثاني قرب الأجل و توقع الموت
و ده شيئ كويس لو كان عبارة عن تدبر و خشوع و تقوى لله مش خوف يوقف حال الواحد
إعمل لدنياك كأنك تعيش أبداً و إعمل لآخرتك كأنك تموت غداً
التالتة شكر أستاذتك
ربنا يكرمها و يكرمك و يبارك لكم في بعض و تدخلوا الجنة معاً على خير غير مبدلين ولا مفرطين
و إحمدي الله يا أختي على نعمة الإيمان فوالله بعض الناس لايجدها و يتمناها
:)

رفقة عمر said...

ربنا يثبتك ويعينك وينجحك فى امتحان الدنيا وامتحان الاخرة
اللهم امين يااااارب العالمين
ويحقق لك ما ترجوه اللهم امين يارب العالمين
وطالما انك بتجيليك رسايل تضايقك على ايميل المدونه فياريت تشيله احسن
علشان ترتاحى
انا ناس طلبوا منى احط ايميل وانا رفضت علشان الامور اللى بتقولى عليها دى

صاحب المضيفة said...

خواطر طيبة

وأشكال جميلة للرقائق تم عرضها بشكل رايق

دمت بخير

DR.HAMAS said...

إنه لمن دواعى سرورى أن أشاركك فى هذا الموضوع

الذى أسأل الله أن يتقبل منك نيتك فيه

و يتقبل منك كل كلمة كتبتيها فيه

و كل حرقة فى قلبك على المتهاونين

و بالفعل أنا مندهش بل منبهر بما أنتى عليه من حب الله و الغيرة على هذا الدين

و أيضا من عاطفتك تجاه الناس و خوفك عليهم

أنا أقدم لك باقات الشكر على استثارة نفوسنا

و محاولة تعديل وجهاتنا

و دلالتنا على ما يوجب رضا الله عنا

أكرمك الله

و أسأل الله أن يخلص قلبك له

و يرزقك الشهادة كما تتمنى

و يثبتك فى هذه الدنيا حتى تلقينه
---------------------

أما تعليقى على موضوع
أين الله فى حياتكم ؟؟؟؟

فبالفعل لك أن تغتاظى و تغضبى من حال الناس و تدنى أهدافهم و بعدهم عن خالقهم جل و علا

الأصل أن كل الحياة لله
((قل إن صلاتى و نسكى و محياي و مماتى لله رب العالمين))

و لكن الناس فى غفلة

و المحزن أكثر هو أن ينسى الذين يعملون لله أن كل حركاتهم و سكناتهم فقط لله

لأن الله جل و علا ينتظر منهم الكثير بما قدموا من عهود و مواثيق أن ينصروا دين الله

أما الناس اللى مش بيخافوا ربنا
فأسأل الله ثم أسأل الله ثم أسأل الله
أن يحفظ أخواتنا المسلمات من كيد هؤلاء الشياطين
و أن يحمى قلوبهم و يحفظ أبصارهم من كل سوء

------------------
موضوعك الثانى و هو قرب الأجل

هو بالفعل قريب

و أنا ممن يدرك هذا بصورة متعبة

كونى فى كلية الطب فأحتك بهذا الأمر كثيرا

كما أن كل مريض فى العائلة على متابعة مرضه حتى وفاته

و منهم عمى و أبى رحمهما الله اللذان ماتا بين يدى

و كثيرا ما احس مثلك بأن قبض روحى قد قرب

و أجهز نفسى لذلك

و لكنى لا أحس بهذا الاحساس الا اذا كنت قريبا من الله

فهى نعمة أن تظل ذاكرا للموت

و انا أيضا أظل أدعو الله أن يمن على بالشهادة

فهى موتة واحدة فلا بد أن تكون كما نتمنى

و قد من على الله إذ بشرنى النبى صلى الله عليه و سلم بالشهادة فى رؤيا رأيتها منذ 3 سنوات

و أنا أنتظر تحقيقها بفارغ الصبر

و أسأل الله أن تتحقق كما أريد

-----------------------

أما أستاذتك أو مسئولتك
طبعا احنا فاهمين
هههههههههههه

فبصراحة قليل ما هم

قليل هم أطباء القلوب مثلها

و هؤلاء فعلا إذا وجدناهم فقد حصلنا على كنز و أى كنز

و أدعو الله لها كما طلبتى

اللهم أطل عمرها فى طاعتك

و لاتقبضها لك إلا شهيدة

اللهم آمين

جزاكم الله خيرا


د.حمـــــاس

مُسلِمَة said...


السلام عليكم ورحمة الله وبركاته

فضفضة .. كل دي فضفضة قولي موضوع تعبير:D

على العموم ربنا يجعلها في ميزان حسناتك

وييسر لك الحال في أمتحاناتك

وربنا يجعلنا وإياكم من المتقين

ويبعد عنك شر كل من لا يتقي الله في نفسه


الجمعاوي الاصيل said...

ام القسام

معلش والله انا مقصر خالص مع حضرتك بس انتي عارفه ظروف الامتحانات والحبسة اللى احنا فيها

بداية الجزء الاول

ان من علامات الايمان ان يكون الله ورسوله احب الينا مما سواهما

واللي انت بتحبه اكيد هيكون اهم شئ عندك ومش ممكن تغلط ادامه لانه يهمك زعله اوي


الجزء الثاني بارك الله فيكي ورزقك الصحة والعافية

الجزء الثالث بارك الله في استاذتك وجمعكما في الجنة سوياً
اللهم امين

موضوعي الجديد ايام من امتحاناتي

إضراب said...

قال أحد العارفين
لو كانت الدنيا ذهبا يفنى
والآخرة خزفا يبقى لكان على العاقل أن يختار الخزف الباقي على الذهب الفاني
فما بالنا والدنيا خزف يفنى
والآخرة ذهب يبقى

دعوة الفردوس said...

السلام عليكم
بما انها فضفضه هفضفض معاكي
اولا انتي وحشاني اوي وربنا يخلي لنا خط طنط اللي بيطمني عليكي من حين لاخر وباذن الله ارتب لمقابله في الاجازه لو بابا وافق وان شاء الله يوافق
ثانيا اخبار امتحاناتك ايه يارب تكوني بتحلي كويس وربنا ييسرلك الحال ياحبيبة روحي
ثالثا
كل حرف كتبتيه انا حاسه بيه جدا ياام القسام معرفش مسموح لي اقول اسمك الحقيقي ولا انتي زيي مش بتحبي تقوليه ع المدونه
اول حاجه مووضع جعل الله اهون الناظرين وغرور الانسان بربه بيتعبني جدا بصراحه احيانا بيتعبني في الناس واحيانا بيتعبني في نفسي لما بخاف اضيع وقت عشان شيء دنيوي وبضيع وقت كتير محسوب من عمري وقد يتسبب في خسارتي في امتحان غاية حياتي كلها
لما بخاف من رد فعل بابا في حاجه معينه او زعل ماما مني او بعد بعض الناس عني وانا مقصره في اني ارضي ربي وببعد عنه وهو بيتقرب ليا وبكون في منتهى الجفاء بتعب من نفسي جدا
ولكن بتذكر نعم ربنا ومنه وفضله وانه بيصطفيني لاكون من اللي بيذنبوا كثيرا ولكن بيتوبوا كثيرا ويرجعوا لربهم

__________________________________
الموت
مهما وصفتلك كلماتك دي حسيت بيها قد ايه مش هوفي والله ياحبيبتي
علشان كده اتعملت غسل شرعي وبدور على اي غسل علشان انزل دلوقت رغم اني من سنه واحده بس كان لايمكن اسمع كلمه عن الموت والقبر لا في ندوه ولا شريط ولا برنامج ولا كنت بحاول
دلوقت بقيت اتعمد اسمع الشرايط دي لوحدي في غرفه مظلمه متمثله وحدتي في القبر
تعرفي ان لما اختي مش بتصحى علطول لما اصحيها بقف زي الخرسه واتخيل انها كده ماتت مش قادره حتى امد ايدي عليها اهزها واشوف لسه عايشه ولا لا
بقى اقرب تفكير ليا موت اللي حواليا من اقرب الناس لاني طول عمري كنت بستبعده بخيالي مش بنكره والعياذ بالله لكن مكنتش قادره احس بقربه
لكن دلوقت لو ايميل واحده صاحبتي مفتحش كتير بقول يمكن ماتت
لو موبايل واحده اتقفل فتره بقول يمكن ماتت
انتي شايفه كام مدون ومدونه وناس من سننا ماتوا الفتره دي وفجاه
يمكن اكون انا الخبر الجاي
والمدونه اللي عليها الدور وتدعولها وتنشروا الخبر
انتقلت الى رحمة الله دعوة الفردوس
دعوة الفردوس في ذمة الله
ويمكن تكوني انتي لا قدر الله
انا مقصدش اجيبلك اكتئاب:) بس انا فعلا حاسه بالمعاني دي وانتي جيتي عليها اوي وبجد ذكرتيني اوي ان مفيش وقت للدلع اللي بدلعه ده والتاجيل والتسويف والراحه
_________________________________
استاذتك
الرائعه ربنا يرضى عنها وعنكي ويميتها واياكي شهيده ويطيل عمركما بالعمل الصالح المقبول باذن الله
ذكرتني بمسئولتي جدا
وذكرتني كمان باخت معايا في اسرتي
ربانيه جدا
لا تاتي سيرة الجنه والنار والموت
الا وسبقت دموعها كلماتها
لا يفتح حديث عن الجنه او عن الله عز وجل
الا وجدتي ابتسامه رائعه مستبشره ارتسمت على فيها
ربنا يعز الجميع وينفع بينا وبيهم
ام القسام
حبيبة روحي
انا استفدت منك كتير جدا
واتاثرت بكلام كتير انتي كتبتيه وانا احيانا مكنتش بعلق لخجلي اني اكتب حاجه بعده
جزاكي الله عني كل خير
وجعله في ميزان حسناتك
وجمعني بك في العلى اخوانا على سرر متقابلين
اللهم امين

الفاتح الجعفري said...

السلام عليكم
بس ممكن اعلن عن مدونة عاصفة النار مدونتنا الجديده انا واليعقوبي
وجزاكم الله كل خير

دكتور حر said...

خواطر قلب نحسبه مؤمن يا أم القسام
والله حسيبك
موفقه ان شاء الله

مشوار الألف ميل يبدأ بخطوة said...

بسم الله الرحمن الرحيم
السلام عليكم
أنتي عارفة يا صانعة الحرية إنك بفضفتك دي تقريباً قلتي اللي بيدور جوايا بقاله كتير أوي والنقطة اللي أنا عايزة أتكلم فيها هي موضوع الغفلة دي لأن تقريباً معظم أصحابي في الكلية كده ومش عارفة أعمل ليهم
ايه؟؟
لدرجة إني مثلاأبقعد أعلق لهم على لبسهم بطريقة مش حلوة كأني ولد في الشارع وبردو بيقولوا ماحنا لازم نمشي حلويين
تلاقي البنت من دول عايشة طول النهار في........وفي النص تصلي عادي ولا كأن فيه تعارض
أنا بحبهم جداً لانهم اصحابي بس مش عارفة اوعيهم ازاي وفي نفس الوقت بشكر ربنا اوي لانه في الاول اختارنا نكون مسلمين وبعدين سنيين وبعدين مش متطرفين والى حد كبير نحسبنا مش غافلين
الحمد لله
يارب يهدي اصحابي
وخليهم من الصحبة الصالحة
وفضفضتك واعية أوي يا حبوبة ياريت كل بنات الاسلام بقوا كده
ماكانش بقى ده حالنا