اهو جه يا ولاد

Saturday, March 29, 2008

تــــــــــــــــــــــاج........وربنا يستر


السلام عليكم ورحمة الله تعالى وبركاته


اخوانى واخواتى الافاضل


اولا مش عايزه حد يزعل منى


انا عارفه انى مقصره جدا الفتره دى فى متابعه المدونات


ومقصره كمان هنا فى مدونتى


بس والله مشغوله جدا


ادعوا لى ربنا يبارك لى فى الوقت وييسر لى امرى


=========================




المهم دا تاج جائنى من اخونا الفاضل جندى الدعوه


صاحب مدونه فين الوطن؟؟


==========




بسم الله


الله المستعان




ايه اللي ممكن يبكي حضرتك
ياااااااااااااه حاجات كتييييييييير
اذا رايت ظلم امامى ولم استطع رفعه
اذا رأيت من احب على معصيه
اذا بكى من احب
محدش يفهمنى غلط بمن احب دى انا اقصد اخواتى فى الله واهلى
موقف أو حدث كان سبب في تحول أو تغيير مسار حياتك
معرفتى بالاخوان
انتقلت من نفسى نفسى واصلى واصوم وماليش دعوه بحد
للاصلح نفسك وادعوا غيرك وانى مينفعش اشوف الغلط واسكت
وانى مينفعش اكون انسانه عاديه بل لازم اكون متميزه دائما
أكثر شئ يغضبك ؟؟؟
انتهاك محارم الله
أكثر شئ يسعدك ؟؟
ان اشعر بحضور قلبى
اشعر وقتها بسعاده غير عاديه

بل اشعر انى طايره من الفرح
وانى لا احى على الارض

وبفرح جدا كمان لما ربنا يمن على برؤيه صالحه
كم جزء تحفظين من القرآن ؟؟
سبحان الله
انا حاسه ان السؤال ده رساله من ربنا
لانى قصرت الفتره دى فى الحفظ
وصلت يا رب وصلت والله
ادعوا لى
اسال الله العظيم الا ياتى رمضان الا وانا احفظ القران الكريم كاملا عن ظهر قلب


6/ هل تعاملي جميع الإخوات بمعاملة واحدة أم أنك تخصين الإخوان الذين يعتنقون فكرك بمعاملة أحسن ممن يخالفوك فى الفكر؟ "" بصراحه""
اكيد الكل معامله واحده
قدر استطاعتى
ولكنى لااستطيع ان اجبر قلبى ان يحب دى زى دى
اكيد فى ناس كفتهم بترجح
وبفضل الله انا اجتماعيه جدا
علاقتى طيبه بالملتزمات وغير الملتزمات اخوان وغير اخوان وغير المسلمات ايضا
فانا بساوى فيما املك اما مالا املك اللى هو قلبى فمش بقدراساوى اكيد حتى بين الاخوات المسلمات نفسهما
وكمان بحس براحه مع الاخوات لانى بتكلم معاهم براحتى الى حد ما
أكثر شئ بتندمي عليه إلى الآن؟
ذنوبى
اسال الله العظيم ان يرضى عنى ويغفر لى ذنوبى
أروع حلم راودك وتمنيت لو أنه حقيقة؟
الاستشهاد
اسأل الله العظيم الا يقبضنى اليه الا شهيده

ان كتبت خطاب لاحد من الصحابه فلمن تكتبيه ؟
اكيد لحبيبى سيدى عمر بن الخطاب0


/ ماذا تعنى الكلمات الاتيه لكي
الحاجة زينب الغزالى
امى

احيانا وانا اقرا لها اشعر وكانها تلثمنى
وتحنوا على
واحيانا اخرى اشعر وكانها تضرب على يدى
الحزب الوطنى
ااااااااااااااه

دا اكتر سؤال فكرت فيه باقى الاسئله تقريبا لم افكر فيها

مش عارفه مش عاوزه اغلط واشيل ذنوب واحنا مش ناقصين بس هقول

اولئك الذين ضل سعيهم فى الحياة الدنيا وهم يعلمون انهم يسيئون صنعا
الاخوان المسلمين
امل هذه الامه
التدوين


متنفسى
بحب اقول اللى حاساه واحب اخواتى فى الله يشاركونى احساسى
ومشاكلى
والتدوين ما شاء الله انتشر جدا الفتره دى
وللاخوان منه نصيب الاسد
اللهم لا حسد
التعذيب
التعذيب شىء وحشى لايرضاه بشر ولا دين

بس هقولكم المفيد

اخرجوا ال لوط من قريتكم انهم اناس يتطهرون

اى حد بيعمل حاجه صح

يعرف انه اكيد هيبتلى

واعتقد ان التعذيب دا بلاء
مصر
بلدى ووطنى مستعده افديه بروحى(من مات دون وطنه فهو شهيد) ء
اسماعيل هنية
رافع رايتنا اعزه الله وثبته
مع انى قلقه عليه جدا الفتره دى
ربنا يستر
جريدة الدستور
كنت اتابعها ولكنى لم اعد اثق باى جريده
كنت اشعر بعجز رهيب عندما اقرأها لانى شايفه مشاكل كتيييير وظلم وفساد
ومش قادره اعمل حاجه

بس لو جبت جريده بتبقى الدستور

لانها اصدق الموجود الان


43 comments:

اسلام رفاعى said...

ماشاء الله اجابات جميلة ربنا يكرمك بالشهادة فى سبيله
سعيد بزيارة مدونتك

ابن حـجـر الـعـسـقـلانـى said...

ربنا يحفظك .. إجابات هادئة و متزنة

أحييكى

الفاتح الجعفري said...

اختنا ام القسام
اجابات رائعه جدا ماشاء الله
عجبتني جدا الاجابه بتاعة سؤال
موقف أو حدث كان سبب في تحول أو تغيير مسار حياتك
مش علشان الاخوان بس علشان فهم دعوة ربنا او فهم رساله الاسلام انها مش محصوره بين جنوبنا ولكنها نور ورحمه الي الخلق والمسلمون هم من اجتباهم الله لنقل نوره الي باقي الخلق
اللهم استخدمنا ياربنا ولاتستبدلنا
وجزاكم الله خير

عصفور المدينة said...

وفقك الله وبلغك حفظ كتابة وسأذكر الموعد الذي حددتيه وسأسألك عنه إن شاء الله خلي بالك

فرنسا هانم said...

واسأل الله ايضا الا يقبضنى الا شهيده
اختى صانعه الحريه
انا عارفه انكى مشغوله
بس ابقى طمنينى عليكى
اجابتك ممتازه

سمية-بنت البنا- said...

السلام عليكم ورحمة الله وبركاته

اجابات حضرتك رائعة كما اعتدنا دائما

بارك الله فيكي اختي

وضـّاح said...

بارك الله فيك

إجابات متزنة وجميلة

أرجو أن يمن الله عليك وعلي بإتمام حفظ كتابه

صانعة الحرية said...

السلام عليكم
اخى الفاضل
اسلام الرفاعى
جزاكم الله خيرا يا فندم
وامين يارب
وانا اسعد بزيارة حضرتك يا فندم

صانعة الحرية said...

السلام عليكم
اخى الفاضل
ابن حجر العسقلانى
ربنا يعزك يا فندم
وسعيده بتشريفكم مدونتى المتواضعه

صانعة الحرية said...

السلام عليكم
اخى الفاضل
الفاتح الجعفرى
جزاكم الله خيرا يا فندم
وفعلا دعوتنا نور ورحمه الى الخلق
وسأظل اذكر كلمة حضرتك التى قلتها لى فى احد التعليقات يوما
نقلا عن استاذنا ياسر نصر
لازم نكون رقم واحد
مينفعش نكون رقم اتنين
واسأل الله العظيم رب العرش العظيم ان يستخدمنى فى عزة دينه
وان يجعلنى من خدام دعوته
وجزانا واياكم كل خيرا يا فندم

صانعة الحرية said...

السلام عليكم
استاذى الفاضل وابى بعد ابى
عصفور المدينه
ربنا يعز حضرتك
ان شاء الله
ولكن لا تنسانى من صالح دعائك
انا على الحفظ وحضرتك عليك الدعاء

صانعة الحرية said...

السلام عليكم
حبيبتى فرنساااااااا
ربنا يعزك ويبارك فيك
ولا يقبضك اليه الا شهيده
وانا بخير الحمد لله
بس الواجبات بقت كتيييييييييير
والوقت بقى بيعدى بسرعه
دعواتك
ادعى لى ببركة الوقت
وجزاك الله خيرا على السؤال
ويعلم الله كم احبك
انى احبك فى الله

صانعة الحرية said...

السلام عليكم
حبيبتى سميه
ربنا يعزك ويباك فيك
بعدين بلاش حضرتك دى احنا اخوات وانا لسه معجزتش اوى يعنى
هههههههههه
وسعيده جدا بزيارتك
وسعيده اكتر باشتراكك فى جامعه اون لاين

صانعة الحرية said...

السلام عليكم
اخى الفاضل
وضاح
جزاكم الله خيرايا فندم
وامييييييييين
يارب
ربنا يجعلنى واياك من اهل القران الذين هم اهل الله وخاصته

الجمعاوي الاصيل said...

السلام عليكم ورحمة الله وبركاته

الاخت الفاضلة ام القسام

على فكرة انا كنت داخل النهارده عند حضرتك وناوي استفسر ان كنتي زعلانة مننا ولا حاجةلاننا كنا متعودين على ان حضرتك دائماً اول تعليق في المدونة لكن مرة واحده كده انقطعت التعليقات

وحينما دجخلت وجدت هذا التبيه فعذرت حضرتك وربنا يقويكي على المشاغل

وربنا يكرمك بحفظ القران كاملاً فبل رمضان ان شاء الله

صانعة الحرية said...

السلام عليكم
اخى الفاضل
الجمعاوى الاصيل
ربنا يعز حضرتك يا فندم
والله انا فعلا مقصره مع الكل
يمكن النهارده اول يوم اقعد كتير على النت
وعلقت حالا تعلقين عند حضرتك
وياااارب امييييييييين
ياريت لا تنسونى من الدعاء
اعدكم بمفاجاه اذا من الله على بختم القران قبل رمضان

الجمعاوي الاصيل said...

اختي ام القسام اما عن موضوع الصورة

فحضرتك هاتي الداش بورد بتاعتك

وهتلاقي تحت الصورة اللي انتي حتها

edit profil
اضغطي عليها

هتلاقي البروفيل بتاعك كامل

وهتلاقي الصورة اللي انتي هحتاها

وهتلاقي تحتها

remove pectuer

اضغطي عليها الصورة القديمة هتتشال

وتقومي حطه الصورة الجديدة

من Brose

FadFadA said...

اجابات جميلة
من سأل الله الشهادة بصدق بلغه الله منازل الشهداء و لو مات على فراشه

نسأل الله أن يرزقنا حياة الشهداء , وميتة الشهداء , و أن يحشرنا بين الشهداء
و أن يرزقنا الصدق في طلب الشهداء

محمد

مهندس مصري said...

ربنا يبارك لك فى الوقت وييسر لك امرك
:)

اجابات رائعة و حسست الواحد بتقصيره
بارك الله فيكي
و رزقكي الشهادة

صانعة الحرية said...

السلام عليكم
اخى الفاضل الجمعاوى الاصيل
جزاك الله خيرا يا فندم
بس المشكله ان النت عندى ضعيف
مش عارفه افتح الداش بورد

صانعة الحرية said...

اخى الفاضل
استاذ محمد

اولا نورت المدونه يا فندم واتمنى ان تكرر الزياره
ثانيا

نسأل الله أن يرزقنا حياة الشهداء , وميتة الشهداء , و أن يحشرنا بين الشهداء
و أن يرزقنا الصدق في طلب الشهداء

اميييييييييييين
واسال الله لى ولكم الصدق والاخلاص

صانعة الحرية said...

استاذى الفاضل
ابو احمد (مهندس مصرى)جزاك الله خيرا يا فندم
وكلنا مقصرين والله
ربنا يلطف بينا جميعا ويرضى عنا ويهدينا ويرزقنا الاخلاص فى القول والعمل ويجنبنا الرياء والنفاق
اللهم اميييييييين

جمعاوى روش طحن said...

الأخت أم القسام

عود حميد

عجبنى الرد على كلمة الحزن الوطنى

آسف الحزب الوثنى

ييى آسف مرة كمان

الحزب الوطنى

صانعة الحرية said...

اخى الفاضل
جمعاوى
ربنا يعزك يا فندم
دا اكتر سؤال فكرت فيه
مش لانه صعب
بس لانى حسيت انى هغلط واشيل ذنوب كتير وانا ش ناقصه
وعلى فكره اسمه
الحزن الوثنى الفيري واطى

النجم القادم said...

اختنا ام القسام

حمدلله على السلامة

تاج جميل واجاباتك اجمل ربنا يعزك وهجاوب عليه فى اقرب وقت ممكن

تحيات اخوكى

الفاتح الجعفري said...

العلمانيين عاصفة النار4
http://hafedelga3fary.blogspot.com/
وهذا الرابط للمزيد
وجزاكم الله خير

هاني جابر said...

السلام عليكم ورحمة الله
اغيثوا غزة
شارك معنا في القافلة الرابعة لمساعدة إخواننا في غوة
من يريد المشاركة من المدونين عليه الاتصال برقم0105076750
اتحاد الأطباء العرب لجنة الإغاثة والطوارئ

ikhwan said...

فى جميع المساجد اخوانكم بيجمعوا اى مواد عينية لاخوانكم فى غزة يعنى " بطاطين قديمة ملابس قديمة سكر وزيت وشاى الخ.... "
وسوف يتم ارسال تلك المواد عبر لجنة الاغاثة بنقابة الاطباء
__________________________________________________________________
مع تحيات مدونة احنا الاخوان http://ikhwan2.maktoobblog.com/

mo'men mohamed said...

جميل
أسعدنى ان يكون الإخوان هم سبب تحولك
جزاكم الله كل خير
وعازينك كده تقطعى الدنيا حفظ
السلام عليكم

mo'men mohamed said...

مهم جدا نسيت أقولك
بالله عليكى لو تعرفى ايميل او نمرة حد ساكن فى فلسطين و خاصة غزة ضرورى ضرورى ضرورى توصلينى بيه
nesrelsharke@hotmail.com
nesrelsharke@gmail.com
السلام عليكم

الفاتح اليعقوبي said...

السلام عليكم
اجابات رائعة ربنا يحفظك ويجعلك افضل مما نظن اعتذر عن اتقصيري في مدونة حضرتك الفترة اللي فاتت
النت كان فاصل


رزقك الله الاخلاص
السلام

ابو مفراح said...

السلام عليكم
اجابات جميله
تحياتى ابو مفراح

العاشق....محمد على said...

الاخت الكريمة صانعة الحرية..اجابات جميلة وممتازة ..وربنا يحققلك كل الخير...ويجعنا نموت شهداء فى سبيله..ويصلح بقدرته وعظمته امتنا....والله ولى التوفيق

جندى الدعوة said...

جزاكى الله خير على اجابتك يا اختنا الكريمة
وربنا يتقبل منك

صانعة الحرية said...

السلام عليكم
اخى الفاضل النجم القادم
جزاك الله خيرا يا فندم
ومنتظرين اجابات حضرتك على التاج

صانعة الحرية said...

اخى الفاضل الفاتح الجعفرى
علم يا فندم
وجزاكم الله خيرا

صانعة الحرية said...

اخى الفاضل
هانى
جزاكم الله خيرا
=====================

صانعة الحرية said...

احنا الاخوان
علم وجزاكم الله خيرا

صانعة الحرية said...

اخى مؤمن
جزاك الله خيرا يا فندم
وادعوا لى ربنا ييسرلى الحفظ
----------
بعثت لحضرتك بايميل وهاتف احد الاخوه الفلسطنين لا تنسانى من صالح دعائك

صانعة الحرية said...

اخى اليعقوبى

امين يارب اسال الله العزيم ان يجعلنى خيرا مما تظنون ويغفر لى ما لا تعلمون


واحسن دعوه النهارده الاخلاص
اللهم امين
اللهم جنبنا الرياء والنفاق والسمعه

صانعة الحرية said...

اخى الفاضل ابو مفراح
جزاكم الله خيرا يا فندم

صانعة الحرية said...

اخى الفاضل
محمد على اميييييييييين يارب ربنا يرزقنى واياكم الاستشهاد فى سبيله

صانعة الحرية said...

اخى الفاضل جندى الدعوه
جزاكم الله خيرا على التاج يا فندم
ونورت المدونه