اهو جه يا ولاد

Saturday, March 15, 2008

والسابقون السابقون......سباق من نوع جديد




السلام عليكم ورحمة الله تعالى وبركاته
اخوانى واخواتى الافاضل
مضى اسبوع من بدء الحمله
ها
عملنا ايه؟؟
طيب بس خلاس
متتكسفوش
انا عن نفسى كنت حاسه بتقصير
بس المهم اننا نتحرك وبسرعه
طيب نتحرك ازاى
اقول لحضراتكم
بس الاول نراجع اهداف الحمله سريعا

اولا
عاوزين اخوه حمساوين كده وعندهم حماسه
هيعملوا ايه
لا يكلف الله نفسا الا وسعها
عاوزين مجموعه تعمل على نشر الفكره فى المنتديات
ومجموعه اخرى تكون مسءوله عن الفكره على البالتوك
ومجموعه تالته لنشر الفكره على الشات
الرابعه بقى الفيس بوك محتاجين حد يساعد على نشرالفكره على الفيس بوك
و كل المجموعات تشارك فى ارسال الرساله التى سوف تصل لهم منى الى كل الناس اللى عندهم على الميل او الناس اللى يعرفوهم

طيب ايه تانى
اقولكم
اخواتى واخوانى الطلبه
بتوع الجامعات
الحكايه اولا هتحتاج اذن بس بسرعه لان مفيش وقت
حكاية ايه
عاوزينكم زى الشاطرين كده كل واحد يبقى مسئول عن نشر الحلمه فى الكليه ازاى؟؟
اقو لحضراتكم
هتدخل للعميد بصوره من ورق الحمله
او للوكيل
او لاى اسره
او للدكتور بتاع النشاط الثقافى
ولو حضرتك مستبيع يعنى ادخل لقائد الحرس ههههههههه
وتقوله اهداف الحمله
وان الموضوع بسيط
والمطلوب من الجامعه بسيط ومش مكلف
شوية استيكرز هتتلزق
وندوه صغنونه(كدا وكدا عاوزين الجامعه كلها تحضرها)ء
ومجلة حائط
كلمه صغنونه عن الحمله بين المحاضرات (شغل جيل النصر)ء

يلا كلواحد يدخل يقول يقدرا يساعد فى ايه
بسرعه
انتوا لسه بتفكروا؟؟؟
ها هتقدر تساعدنا فى ايه؟؟؟

قول متتكسفش انا اقدر اساعد فى ............املىء الفراغ

34 comments:

امام الجيل said...

ربنا يكرمك

ان شاء الله نقدر نعمل حاجة ونساهم
فى المشروع العظيم ده
عساه يكون فيه خير كبير للشباب
والمسلمين

ان شاء الله هحاول اعمل ما بوسعى

Anonymous said...

الدليل الشامل للمدونات العربية

سياسة - اقتصاد - دين - ثقافة و المزيد

http://www.blogsguide2.blogspot.com/

الباحث عن الحقيقة said...

نتمنالكم التوفيق
انا معرفش ظروف الجامعات عندكم ايه
بس اتمنى ان الحملة تكون مليئة بالافكار المرنةالسهله اللى نقدر من خلالها نوصل لقطاع عريض من الجمهور
بالتوفيق ان شاء الله

الفاتح الجعفري said...

الله المستعان
انا خلصت جامعه بس ان شاء الله نعمل كده في المنطقه عندنا
لاننا تعبنا من المخدرات فعلا ,خلاص الشباب اصيبوا بالتبلد والضياع ودي للاسف احد الامراض اللي بنعاني منها
ربنا يتقبل من حضرتك
وجزاكم الله خير

أملي أن يرضى الله عني said...
This comment has been removed by the author.
أملي أن يرضى الله عني said...

ربنا يكرمك ويوفقك
وتكون الحملة ده في ميزان حسنات كل من يشارك فيها ويجعل هذا العمل خالصا لوجهه الكريم
إن شاء أشارك معاكي أرسلي لي اي ميل وسوف أرسله لك مضاف عندي على الميل
وربنا يسهل وننشر الحملة على المنتديات
ولو ربنا كرم يكون على الفيس بوك كمان
وأسأل الله التوفيق

فرنسا هانم said...

كلك حماسه
وكلك نشاط ربنا يزيدك ويوفقك
ولو ان موضوع الكليه ده كان من قروووووووون طويله
لكن هاظبط نفسى واشوف هاقدر اعمل ايه

عمر said...

جزاكم الله خيرا على حماستك وأفكارك
بس أنا رأيي - المتواضع طبعا - إن احنا نخلي شغلنا كله شغل (جيل النصر )- علفكرة عجبني التعبير ده ،- ماعدا حاجة واحدة ممكن نخليها شغل (اتحاد طلبة) اللي هي المؤتمرات اللي ممكن تتعمل في الكلية
....................................
لا بجد والله ، أنا كنت قاعد مع واحد من أعضاء مايسمى ب-الجمعية العلمية ( اللي هو كان ابن خالي ) وكان بيتكلم عن أنشطتهم داخل الجمعية - اللي أنا بيني وبنكم - مش مقتنع بمعظمها - لكن المهم اقترحت عليه الموضوع بتاع حماية ، وبصراحة هو كان متفاعل ومتحمس - أو حمساوي على رأي حضراتك - وقال ان مجموعة من صناع الحياة جابولهم البوسترات وطلبوا منهم يلزقوها ، وبس ، فاقترحت عليه انهم يحاولوا يتبنوا الموضوع ده في الكلية عندهم ويحاولوا يتصلوا بصناع الحياة ، وأتمنى أنه فعلا يعمل كده ،
..................................
الحاجة التانية _ وأعتذر إن كنت رغايا - إن من الحاجات اللي بتبشر وبتدي أمل إن بعض زملاءنا في صناع الحياة أخبروني أنهم وهم بيوزعوا البوسترات على على الصيدليات كان بعض أصحابها يخبروهم أن لهم أخوة وأصدقاء عارفين إنهم مدمنين ، فيخبروهم إنهم يتصلوا بالخط الساخن للعلاج
...............................
الحاجة الأخيرة بقى إن بصراحة أهم حاجة في الموضوع إنه بيثبت إن مازال هناك شباب إيجابيين في أمتنا وأن الخير في هذه الأمة إلى يوم القيامة
وجزاكم الله خيرا
تحياتي

صانعة الحرية said...

السلام عليكم
اخى امام الجيل
جزاك الله خيرا
بس ياريت تقول تقدر تساعد ازاى علشان نوزع الادوار

صانعة الحرية said...

anonymous
جزاكم اله خيرا
وان شاء الله نزور المدونه

صانعة الحرية said...

اخى الفاضل
الباحث عن الحقيقه
كل لما اقرا اسم حضرتك يتبادر الى ذهنى سيدنا سلمان الفارسى
ما علينا
جزاكم الله خيرا يا فندم
وياريت ايضا حضرتك تقولنا ممكن تساعد معانا ازاى؟؟

صانعة الحرية said...

اخى الفاضل
الفاتح الجعفرى
فعلا والله الناس تعبت
بحس ان اعلانات الحمله اللى بتيجى على المفسيديون فعلا حقيقيه
جزاك الله خيرا على ايجابيتك يا فندم
ولكن كيف ستساعد؟؟؟؟؟؟؟؟

صانعة الحرية said...

اخى الفاضل
املى ان يرضى الله عنى
اسال الله العظيم ان يجعل لك من اسمك نصيب
ويرضى عنك وعنا ان شاء الله
كده حضرتك اول حمساوى

يعنى حضرتك هتشارك فى 3 امور ربنا يبارك فى حضرتك
خلاص ان شاء الله انتظر المنتدى اللى هبعث به لحضرتك علشان تنشر فيه الفكره

صانعة الحرية said...

املى ان يرضى الله عنى
ياريت تشترك معانا فى الجروب بتاعنا على الفيس بوك
جروب حماية
http://www.facebook.com/group.php?gid=9537962894
وبالنسبه للرساله فقريبا ان شاء الله

صانعة الحرية said...

حبيبه قلبى وروحى وعقلى
فرنسا وحشانى مووووت
ربنا يرضى عنك يارب
قرون ايه بس
منتظره اعرف هتساعدى ازاى؟؟؟

صانعة الحرية said...

اخى عمر
بلدياتى
اهلا يا فندم
وعلى فكره انا ببقى سعيده بالتعليق الطويل اكثر من القصير بحس فيه افادهوفيه معلومات اكثر

المهم
بالنسبه للمؤتمرات
ففعلا هخليها اتحاد طلبه لان الاسبوع ده فى الحمله المفروض events
فهحتاج موافقه من الامن
فاكيد الامن لن يعوق الاتحاد فان شاء الله هجيبها من ناحية الاتحاد
والباقى ايضا ان شاء الله هيكون شغل جيل النصر
----
كويس ان حضرتك ذكرتنى
علشان لازم اكون على اتصال بالجمعيه هنا
وجزاك الله خيرا على ايجابيتك يا دكتور

ابن الأزهر said...

السلام عليكم ورحمة الله
أختنا صانعة الحرية
جزاك الله خيرا على هذه التذكرة
وإن كان من مساعدة من جانب العبد الفقير فليس في مكنتي إلا أن أتوجه إلى مالك الملك ، الحنان المنان أن يوفقكم إلى ما يحبه ويرضاه، وأن يمن عليكم بنعمة الإيمان التي هي خير زاذ للمرء في كل عمل في حياته
فعندي من الأعمال والابحاث ما اللع به عليم
صدقا أختي نفع الله بك وبكل من شارك في هذه الحملة
وحيا الله صاحب فكرتها الداعية الموفق بإذنه تعالى الأستاذ عمرو خالد

أحمد سعيد بسيوني said...

جزاكم الله خيرا
تحياتي

آفاق الحرية said...

السلام عليكم
عندنا في المحلة بنحاول نتفق مع بعض من اصدقائنا في طبع البوستر وتوزيعه ان شاء الله
تحياتي

اجري على الله said...

السلام عليكم ورحمة الله
الكريمه جدا صانعة الحريه
ااولا بالنسبه للناس بتوع النت انا اقترح ان تضاف مجموعه ايضا صغنونه تتابع الشغل بتاعهم وننابعهم عليه
بالنسبه لخارج المجتمع النتي اعتقد ان نشر البوستر ده في حد ذاته نصركبير جدا فلو رطزنا نشاطنا قي نشر البوستر بشكل كبير حاتكون خطوه كويسه مرحليا

الشاعر بن هلال

صانعة الحرية said...

اخى الفاضل
ابن الازهر
ربنا يبارك فى حضرتك يارب
وفعلا اطثر ما نحتاج اليه الان هو الدعااااااااااء
والظاهر ان حضرتك دعيت لان النهارده اخدنا موافقه بعمل المؤتمر فى الكليه
واسال الله العظيم ان يجعلنا خير مما تظنون ويغفر لنا ما لا تعلمون
وجزا الله استاذ عمرو خالد عنا خير الجزاء
وجزاكم الله خيرا على هذا التعليق الطيب

صانعة الحرية said...

اخى احمد سعيد
جزانا واياكم يا فندم
وان شاء الله تبقى تحضر المؤتمر عندنا فى الكليه وتعملنا تغطيه طيبه زى اللى فى مدونة حضرتك

صانعة الحرية said...

اخى الفاضل افاق الحرية
ممكن يا فندم تشرفنا فى الجمعيه وتاخد بوسترز من عندنا جاهزه
الجمعيه بجوار طنطا سكان شارع شهاب رقم خمسه
جمعية صناع الحياه
الحق بقى لان العدد قرب يخلص
وجزاكم الله خيرا على هذا الجهد

ابوزياد الفاتح said...

موافق طبعا وبكل قوه
وفعلا ولله الحمد
احنا اشتغلنا فى الكليه

وبننشر الفكره حاليا فى المنتديات
وربنا يكرمك يارب
ويجعله فى مييزان حسناتك

ikhwangeeee said...

انا مستعد لأى شىء

انا معاكوا فى أى شىء .... وانا ممكن اشتغل جاامد معاكوا فى المنتديات


وبجد فكرة راائعة وانا معاكوا

مروة الزارع said...

قولى انا اقدر اعمل اية وانا هعمل

عمر المصرى said...

جزاكى الله خيرا على التذكرة
وعلى المجهود فى نشر الحملة وإن شاء الله مشارك
تقبلى تحياتى

الجمعاوي الاصيل said...

ربنا يكرمك ويبارك فيكي يارب

ويجعل هذا الجهد في ميزان حسناتك يوم القيامة

ولو في اي حاجة ممكن اقدمها ان تحت امركم

صانعة الحرية said...

اخى الفاضل اجرى على الله
اولا منور يا فندم
ثانيا
مش فاهمه مجموعه ايه؟؟
يعنى مجموعه ياهو مثلا ولا مجموعه من المدونين؟؟
وفعلا الطريقه المثلى لنشرالفكر ه خارج النت هى البوسترز

صانعة الحرية said...

ابو زياد الفاتح
جزاكم الله خيرا يا فندم
وربنا يعينك يارب

صانعة الحرية said...

ikhwangeeee
مصطفى باشا فى مدونت يا ويلكم يا ويلكم
منور يا فندم
واكيد هتساعدنا وهقولك دورك فى البوست القادم

صانعة الحرية said...

اخيتى مروه
منوره يا قمر
عيونى هقووول تقدرى تعملى ايه فى البوست القادم

صانعة الحرية said...

اخى الفاضل
عمر المصرى
جزاك الله خيرا
وهنوزع الادوار البوست القادم ان شاء الله

صانعة الحرية said...

اخى الفاضل
الجمعاوى الاصيل
الله يكرمك يا فندم
واكييييييييييييد هتقدر تساعد
وهنوزع الادوار وان شاء الله لك دور فيها