اهو جه يا ولاد

Friday, July 18, 2008

فضفضــــــــة2


بسم الله الرحمن الرحيم
اولا احبكم فى الله
ثانيا باركوووووووووووووووولى خلصت امتحانات
بعد شهرين ونصف من العذاب والارق
ويا ريت لا تنسوا اختكم الفقيره من دعائكم النتيجه هتظهر اخر الاسبوع القادم ان شاء الله
ثانيا اسمحوا لى اغلس عليكم كالعادة يعنىو افضفض معاكم شويه
نبدأ غلاسه
قصدى فضفضه
ونقول بسم الله
اولا
كلنا سمعنا طبعا عن حادث مرسى مطروح ايه تمام بتاع القطار
قلبك انقبض صح؟
شعرت بحزن وضيق؟
عرفت انه توفى ما يقرب من اربعين شخص؟
واصيب ما يقرب او يزيد عن ستين؟
طيب حزنت
اوى ليه؟
هل لانهم مصريين؟
ولا لانهم مسلمين.؟
ولا لان هذه هى الطبيعه البشرية التى جبلنا عليها؟
طيب
جاوبت على السؤال اللى فات؟

بيبقى ايه شعورك لما تفتح التلفاز كل يوم وتلاقى مقتل خمسين واصابه مائتى شخص فى لبنان
او العراق او فلسطين؟؟؟
هل بتحزن مثلما حزنت على من مات هنا فى مصر
طيب ليه اه او ليه لا؟؟
هل عصبيتنا اصبحت قبليه؟
اصبح فينا او بمعنى ادق مازالت فينا بقايا جاهلية؟؟
ام نه انتكاس للفطره التى جبلنا عليها؟؟
مسلم مصر = مسلم فلسطين =مسم العراق= مسلم امريكا
كلنا مسلمون
اتمنى ان ارى الولايات التحده الاسلاميه قبل موتى
----------------------------------------------------

ثانيا
حرييييييييييييييييييقه هههههههههههههه
هذا ما قاله وفعله سائق التاكسى الذى كنت اركب معه بالامس
كان هناك حريق وللاسف الشديد ان سيارات المطافى لم تسنطع الوصول بسرعه
الطريق بالامس كان غريب
الشوارع ممتلئه بشكل بشع
شكل يخنق
لكن الحريق؟
من فى الحريق كيف حالهم؟
هل نجا احد؟
السواقين كنت حاساهم بيعاكسوا ومش راضيين يعدوا السياره
بل كانوا يمزحون
فجاءتنى خاطرتين
الاولى
لماذا لا يكون هناك حااااااااااره خاصه بسيارات المطافى والاسعاف
ام اننا نقلد الغرب فقط فى الاشياء التافهه التى لا تسمن ولا تغنى من جوع؟
ثانى شىء
هنا من يطفىء الحريق
وهنا من تستنجد بهم عندما يشب حريق فى بيتك
ولكن هناك؟
نعم اقصد هناك؟
ستتصل بمن؟
ستعتصم بمن؟
اليك رقم الهاتف((ففروا الى الله)نعم هو المنقذ
هو الاوحد اذى اذا خفته فررت منه اليه
فروا اليه
قم للصلاه
تمسك بالقرآن
سنغفل الى متى؟
الى ان نرى الحريق وليس معنا ما يكفى لاخماده؟
الحسنات هى الماء الذى سنطفىء به الحريق
املىء سجل حسناتك
خلى عندك طموووووح للحسنات
متقولش مش هتيجى على العمل ده
لا
هتيجى
اكاد اجن عندما اقرأ عن اهل الاعراف
واقفين على حسنه
حسنه
يعنى لو كان قال سبحان الله
كان اخد عشر حسنات
لازم يكون عندنا طموح للحسنات
لازم تخاف على نفسك
لازم تجرى الان حالا وقبل ان تكملالبوست اليه
ارتمى بين يديه واطلب عفوه
والله سيعفوا
اطلب حبه
رضاه
وده
ابكى
ابكى
اصرخ بين يديه ليس لى غيرك
والله
لا اظنه مذب عين بكت من خشيته
لا اظنه معذب قلب خر له ساجدا قبل الجسد
ربنا حنين اوى
احن علينا من امهاتنا وابائنا والله والله والله احن علنا من انفسنا
هيا اخوانى واخواتى
وانا اولكم
هيا لنفر منه اليه
هيا لنرتمى بين يديه
هيا لنطلب عفوه وحنانيه
ففروا الى الله
هيا لنحيا بهذه الايه
هيا لنقرأ القران
هيا لناخذ بأيدى بعضنا الى الجنه
هناك امر ربما يكون بسيط لكنه ضرورى
ربما يغير فينا شىء
يمكن للاخوه ان يضيفوا هذا الميل
to_paradise2001@yahoo.com
فسيلتقوا من خلاله ان شاء الله مع بعض المشايخ الكرام ومع بعض علماء الازهر الافاضل الذين نحسبهم على خير ولا نزكيهم على الله
اما الاخوات فمن ا رادت ان تحضر فلترسل الى على الايميل وسوف ارسل لها ايميل الاخوات
احبكم فى الله
فلا تنسونى من صالح دعائكم
فانا فى اشد الحاجه الى دعائكم

4 comments:

دعوة الفردوس said...

أحيا هذه الأيام بآية
"أمن يجيب المضطر اذا دعاه ويكشف السوء"


معلش عارفه اني مقصره معاكي في المشروع اللي اتفقنا عليه
بس والله غصب عني
حصلت ظروف كتير عندي
وفرح اختي كمان اسبوعين مش فاضيه ليل ولا نهار
ادعيلي كتير
محتاجه دعاءك فوق الوصف
فعلا محتاجاه جدا

وميــــض أمــــل said...

وفقكى الله لما يحبه ويرضاه
آمين آمين آمين

صانعة الحرية said...

حبيبتى دعوة الفردوس
ولا يهمك يا حبيبتى الله يكون فى عونك
والله بدعيلك
دا احنا اللى مقصرين معاكى
وعقبالك يارب

صانعة الحرية said...

وميييييض امل
فرحانه بتعليقك حبيبتى
يعلم الله انى احبك فى الله