اهو جه يا ولاد

Friday, May 8, 2009

فضفــــــــــــــــــــــــــــــــــ4ـــــــــــــــــــــــــــــــضة



بسم الله والحمد لله والصلاة والسلام على رسول الله ثم اما بعد
محتاجه اتكلم كتيييييييييييير اوى وياريت
تستحملونى وتفهمونى
عارفين لما تحسوا انكم ولا حاجه؟
لما تحس انك كل على الاسلام؟

اينما توجه لا تأت بخير؟
لما تحس ان كل اللى بتحلم بيه وتسعى له دا احلام؟
وانك مين انت اصلا علشان يكون لك فى
عزة الدين دا نصيب؟
او فى عودة الخلافه؟
لما تحس انك ولا حاجه؟
وكمان انك متجرىء على ربك؟
عارف لما خلاص تيأس وتقول اليأس راحه فلا تأملونى من جديد ؟

وتبقى الدنيا ضلمه اوى مش شايف فيها اى نور؟
لما خلاص تتمنى الموت لانك مش بتفيد بل حاسس انك فعلا كل على الدنيا كلها؟

لما تبقى كل يوم وانت نازل تقول يارب مرجعش تانى؟
لما تنسى ان ربك حنين وتفتكر بس انه جبار ومنتقم؟

لما تنسى كل المعانى الروحانيه اللى كنت بتعيش بها
لما تنس حب ربنا وتنسى رحمته؟
لما تنسى التوكل وتنسى ان الامل موجود ما دامت الحياه؟
وتكون انسان متشائم كئيب

بكاء وحزين
متضايق وكل اللى حواليك متضايقين علشانك؟
عايش فى ظلام ومش حاسس ان فى نور هيكون؟


لما تبقى محتاج اوى تكلم ربنا بس مكسوف اوى منه؟
وبجد مش قادر تتكلم معاه مش قادر ترفع صوتك بالمناجاه؟

لما تبقى بتكلمه بس بقلبك وانت عنيك فى الارض
وبتقوله سامحنى انا بضحك على نفسى انا مش هكون شىء نافع للامة دى؟
انا مش من عبادك الصالحين اللى هيرثوا الارض؟
لما تحس بضيق وحزن لانك بجد بعدت ومش عارف ترجع؟
حاسس انك توهت وعارف الطريق بس رجليك مش شايلاك علشان تمشى فيه

تايه
ضايع
مسكين
بس تحاول مره واتنين

وربك علشان حنينن يبعت لك صحبه الخير اللى تشيلك شيل وترجعك لمكانك
وتقولك انت مكانك هنا انت متوهتش
رحمن اوى ورحيم؟
صح؟
حنين
لما تلاقيه بيشجعك وبيطبطب عليك
لما تلاقيه بيجفف دمعك ويحنو عليك
لما تحس انه بيقولك بل ستكون لها
ان لم تكن للحق انت فمن يكون

وقتها
بتحس بخجل اوى انك مرجعتش من الاول
انك مرتمتش ساجد فى كنف ربك
بتحس براحه غرييييييييييبه جدا
لان بذكره تطمئن القلوب

لان بذكره يطيب العمر
لما تفتكر قوله وانا معه اذا ذكرنى بتحس اوى بقربه منك
مع كل تسبيحه وكل تهليله وكل تكبيره
لما تلاقى كل الناس بتقولك الملتفت لا يصل
ركز ووالله ستكون
لما الكل يشجعك وتلاقى روحك ردت فيك
لما تحس انك لو صدقت ربك هيصدقك
ولما تتيقن ان دعوة ربنا عمرها ما بتأخر

لما ييسر لك انك تسمع وتقرآ عن تحديد الهدف
وتحدد هدفك بشكل عملى ومكتوب
وتحس ان الامر اسهل مما تتخيل بس بعون المولى
بحوله وبقوته
لما تقعد بقى فى الاخر تفكر فى الموضوع كله
تلاقى ربك بيعلمك
ملكش غيرى
بيعلمك التوكل
بيعلمك حسن الظن
بيقولك

اتقينى اجعل لك مخرجا
عارفين عاوزه اقول ايه؟
عاوزه اقول ان ربنا احن علينا من انفسنا
عاوزه اقول ان من تقرب اليه شبرا تقرب سبحانه اليه ذراعا
عاوزه اقول بس خد اول خطوه فى الاقبال على ربنا وملكش دعوه بالباقى
عاوزه اقول ملكش غير ربك اجرى عليه واحكيله ومتتكسفش اصلك ملكش غيره
عاوزه اقول متخليش اى حد يثبطك مهما كان الحد دا لان انت غير كل الناس انت عايش علشان ربنا ودعوة ربنا
عاوزه اقول ان اللى معاه ربنا عمره ما بيضيع

الله ضيعنا لما اضعناه
اياك انك تضيع حق ربك
عيش لله
واحسن الظن
ولا تتنازل عن اى اى اى جزء من اهدافك
لانك لو تنازلت عن نقطه بكره تتنازل عن غيرها
وبعده حلمك يضيع

14 comments:

خديجة عبدالله said...

وأنا عاوزة أقولك وكم لله من لطف خفى يدق خفاه عن فهم الذكى وكم أمر تساء به صباحا وتأتيك المسرة فى العشي وكم يسر يجيئك بعد عسر يفرج كربة القلب الشجى إذا ضاقت بك الأحوال يوما فثق بالواحد الأحد العلي

لكم تأثرت بها رزقنا الله وإياكم الاخلاص فى القول والعمل وعلمنا الله كيف نحبه

وعاوزة أقولك حاجة : إنى أحبك فى الله

دعوة الفردوس said...

حبيبتي وحبيبتك سبقتني في التعليق بس أنا سبقتها في القراءه
:)

انتي كنتي معايا على الماسنجر واخدتي انطباعي وقتها
بس بجد
وجعتيني
وفرحتيني
ورعشتيني
وتوهتيني
وفوقتيني

عملتي فيا كل ده ازاي
ربنا يكرمك ويرضى عنك ويرضيكي

انا هغلب خوخه بقى واقول

بعشقك في الله

Noor_eldeen35 said...

يطمئنني أن من بيننا من لا يزال يكتبـ مثل هذه الكلماتـ ..


دمتمـ بخير أختنا ..
و
رزقكم الله الوصول

عصفور المدينة said...

متخليش اى حد يثبطك مهما كان الحد دا


ولو حتى نفسك

ابو صهيب ( الجمعاوي الاصيل)سابقاً said...

اختي الفاضلة صانعة الحرية هذا هو الحل السحر ي
(وَاصْبِرْ نَفْسَكَ مَعَ
الَّذِينَ يَدْعُونَ رَبَّهُم بِالْغَدَاةِ
وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ
عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ
عَن ذِكْرِنَا وَاتَّبَعَ هَوَاهُ وَكَـــــــانَ أَمْرُهُ فُـــــــرُطاً )الكهف28
فمع الصحبة الطيبة لا تجدي من يثبتك بل تجدي من دائماً في تشجيعك ودعوتك الى التقدم الدائم

واذا تكاسلت في يوم تجدي من يوقظك من غفلتك

هذا هو الحل هدفنا واحد هو اسعاد البشرية بنور الاسلام

فلا احد منا يستطيع ان يحقق الهدف بمفرده والا اكتئب وانهزم نفسياً مما يراه حوله

ولكن مع الصحبة الجيدة يواسي كل منا الاخر ويشجع كل منا الاخر على اكمال المسير الى الجنة

بجد موضوع اشعرني بالرعب في بدايته
ولكن في النهاية وصلت الرسالة

دمتم بخير

صاحب المضيفة said...

وحل ذلك كله في الاستغفار
به تنجلي الهموم وتنير القلوب وتضيء الدنيا كلها من حولنا


بارك الله لك في نفسك اللوامة

كل الود

تقويم لساحة التدوين said...

السلام عليكم ورحمة الله وبركاته

نتمني منكم زيارتنا

لأنه تم إصدار التحديث الخاص بتقريرنا عن مدونتكم

تابعونا لنهضة التدوين الهادف

شاركونا لنصنع جسر التدوين الهادف

لا تنسونا من دعائكم

بارك الله فيكم


صانعة الحرية

صانعة الحرية said...

خديجه
احبك الله الذى احببتينى لاجله
ادعى لى كتير يا ديجه

صانعة الحرية said...

دعوة
ربنا يصلح حالك يا دودو يارب
ويغفر لنا جميعا يارب
وان بقى بمووت فيك
فى الله برضه
احبك حب يعجز الحب عن احتواءه

صانعة الحرية said...

اخى نور الدين
ربنا يسترنا واياك

صانعة الحرية said...

استاذى وابى الفاضل
والله لن اسمح بذلك مطلقا مره اخرى
وسأكون كما اردت
وكما يحب الله ان اكون
ولكن لا تنسانا من صالح دعائك

صانعة الحرية said...

ابو صهيب
صدقت
صدقت
صدقت

صانعة الحرية said...

اخى صاحب المضيفه
صدقت يا فندم والله
لللاستغفار سحر غريب

صانعة الحرية said...

تقويم لساحه التدوين
تمت الاجابه يا فندم