اهو جه يا ولاد

Sunday, August 9, 2009

ليــــــــــــــه حـــــــــــبـــــــــــــتــــــــــــيــــــــــــــــه؟؟؟؟


بسم الله والحمد لله والصلاة والسلام على رسول الله
كنت اظن ان غير الملتزمين فقط هم من يقعوا فى فخ الحب
حتى سمعت ما سوف اقصه عليكم فى البوست القادم
فقررت ان تناقش سويا فى هذه المرض
لنعرف اسبابه وعلاجه
فالوقايه خير من العلاج
--------

حبتيه؟

خايفه يبعد عنك؟

ومش قادره تبعدى عنه؟

بقيتى بتسعى اوى لارضاءه؟

بتغيرى فى نفسك علشان هو بيحب كدا؟

علشان هو يرضى؟

بتفرحى اوى لما بتشوفيه؟

او تسمعى صوته؟

بتحسى انك مش ماشيه على الارض بل طايره فى السماء؟

حاسه انه بيحبك وبيخاف وبيغير عليكى ولو من مجرد نظراته؟

حسسك انك حد مهم اوى فالبتالى سعدتى بذلك ومش عاوزه تفقدى الشعور ده

حسسك انك بنوته جميله فركنتى للدنيا وعشتى هائمه تسعى لارضاءه

عطاكى ثقه فى نفسك لما اختارك دون بنات الكون كله وحسسك انك انت هو وهو انت

نفسك تخليكى معاه ليل ونهار؟ وتحكى له على كل شىء؟

بتفتكريه فى كل موقف يحصل؟ وكلما خلوتى بنفسك؟

قبل ما تعملى اى شىء بتفكرى الاول هل هذا يرضيه؟

هل سيسعد اذا رانى وانا افعل هذا ام سيستشيط غضبا؟

بقى هو كل حياتك ودنيتك؟

بقى مسيطر اوى على فكرك وحياتك؟

بقى شاغل عقلك وقلبك؟

بتفرحى اوى لما بيقولك بحبك

بتسعدى جدا لما بيقولك انك كل حياته ودنيته

بقيتى نسخه تانيه منه بتفكرى زيه وبقيتى منطاعه ليه ومش تقدرى تقولى له لا؟

بقيتى بتسرحى وتعيشى معاه فى احلامك ؟

بتبكى لو مر عليكى يوم من غير ما تكلميه؟

بتبكى لو تذكرتى انه ممكن يسيبك فى يوم؟

بقى هو انت وانت هو؟

ايوه شكلك حبتيه

احساس جميل لا شك كل اللى قلته دا

وكل البنات تتمناه

الحب ياتى نتيجه لاحتياج

محتاجه حد يعطيكى ثقه فى نفسك

محتاجه تحسى بالامان

محتاجه تلاقى حد تحكى له كل حاجه وهو يبقى فاهمك وتاخدى رايه

محتاجه تسمعى كلام حلو

علشان كل دا بدأتى تبحثى عن الحب صح؟

يا ترى فى وجهة نظركم ايه اللى بيخلى البنات تبحث عن الحب تانى غير اللى ذكرته اكيد فى اسباب كتييييييير

----------

فى انتظااااااااار مشاركتكم

4 comments:

زهرة النور said...

اى بنت لو لم تجد كلمة حلوة طيبة و نظرة حانية و لمسة شافية في بيت ابيها غالبا ما ستبحث عنها بخارجه الا من رحم ربي لانها في ذلك تسعى لاشباع فطرة انسانية داخلها و حاجة ملحة فى الرغبة بالاحساس بالامان و الدفء بخلاف احتياجها و ميلها الطبيعي للجنس الاخر

Dr Ibrahim said...

الحب ماقبل الإرتباط ما الا وهم كبير يجرى كلا من الطرفان لاشباع رغبتهم

دون النظر الى ما وراء ذلك وما هى النتيجة النهائية لهذا الحب
فنجد ان الاحبة لايدرون ما النتيجة وما الهدف من ذلك
وان كانوا يعلمون يردون بما زين الشيطان لهم بأن نهايته حقيقية وإيجابية

ولا يعلمون انه وهم

--------------------------
فيقول دكتور مصطفى محمود

"الحب دائما أمر يزينه الخيال و يضخمه الوهم و يجسمه التصور و تنفخ فيه الشهوات"

من كتاب
أناشيد الإثم و البراءة

---------------------------
جزاكم الله كل خير على هذا الطرح المهم

جنــــــــــة الله said...

حبيبتي
انا لغاية دلوقتي بفكر في الموضوع دة
واقول يا ترى مين السبب الولد ولا البنت؟؟
عارفة زى ما اكون بقول لنفسي
البيضة ولا الفرخة ؟؟!!
مين جه الاول
وليه ما تخليش كل المشاعر اللى جواها
دى لربنا وبس
ليه لا
ليه تخاف انه يزعل منها لو عملت حاجة
غلط
مش تخاف تزعل ربنا الاول
مش كدة احسن بالله عليكي
××××××××××××
بوست جميل اوووى بجد
كل سنة وانتى بألف خير يا حبيبتي

Sonnet said...

السلام عليكم
مررت لاقول
كل رمضان و انتم الى الله اقرب
تحياتى